عێراقچی بۆ کەناڵێکی ئەمریکایی : بژێرەی سەربازی پاشهاتی نەگریسی بۆ ناوچە بەدواوەیە

بە ڕاپۆرتی ئاژانسی هەواڵی مێهر، سەید عەباس عێراقچی وەزیری دەرەوەی ئێران لە لێدوانێک بۆ کەناڵی ئەمریکایی (MS NOW)، سەبارەت بە ڕەوتی دانوستانەکانی نێوان ئێران و ئەمریکا، وتی: ڕێککەوتن بردنەوە-بردنەوەی بۆ ئێمە تەواوە ڕوونە؛ ئەمریکا دەبێ دڵنیا بێت لە ئاشتی‌خوازانەبوونی پلانی ئەتۆمیی ئێران و لە بەرامبەردا، گەمارۆکان بە شێوەیەکی تەواو کارا هەڵوەشێنەوە.
وتیشی: ڕێگەچارەی دیپلۆماتیک ئامادەیە و گەیشتن بە ڕێککەوتن دژوار نییە، بەو مەرجەی ڕێککەوتنەکە دادپەروەرانە و بەپێی بەرژەوەندیی بەرامبەر بێت. ئەزموونی دوو دەیەی ڕابردوو پێمان دەڵێت کە ڕێککە مومکینە، بەڵام تەنیا لە ڕێگەی گفتوگۆ و ڕێزی بەرامبەرەوە.
وەزیری دەرەوەی ئێران سەبارەت بە پاشهاتی نەگریس و کارەساتباری شەڕی سەربازی بۆ ناوچە هوشداری دا و جەختی کرد: بژێرەی سەربازی نەک یارمەتیی پرسەکە نادات، بەڵکوو پاشهاتی کارەساتباری بۆ ناوچە و کۆمەڵگای نێودەوڵەتی بەدواوە دەبێت. ناوچە ئێمە زیاتر لەوە تاقەتی شەڕوشووری نەماوە و دیپلۆماسی تاقە ڕێگەی ژیرانە و بەرپرسانەی بەردەمە.

وەزیری دەرەوەی ئێران وتی: تاران لیستی دروستی قوربانیان ڕووداوەکانی ئەمدواییەی بڵاو کردۆتەوە و ئەگەر کەسێک ئیدعای کوژراوی زیاتر دەکات، بیسەلمێنێت.
بە ڕاپۆرتی ئاژانسی هەواڵی مێهر، سەید عەباس عێراقچی وەزیری دەرەوەی ئێران لە لێدوانێک بۆ کەناڵی ئەمریکایی (MS NOW)، سەبارەت بە بشێوی و ناڕەزایەتییەکانی مانگی ڕابردووی ئێران، ڕایگەیاند: لە 28ی دیسامبێر تا 7ی ژانڤیە، خۆپیشاندانێکی ئاشتی‌خوازانە دەستی پێکرد و دەوڵەت بە نرم‌ونیانی هەڵسوکەوتی لەگەڵ کردن و بگرە گوێبیستی داواکاریی زۆربەی خۆپیشاندەران بوو، بەڵام لە ڕۆژانی 8 تا 10ی ژانڤیە، هەلومەرجەکە گۆڕا و ئێمە بەرەوڕووی ئۆپەراسیۆنێکی تەواو پلان‌ بۆ داڕێژراوە بووین و هێزی چەکداری هاتنە مەیدان و تەقەیان لە پۆلیس کرد و سامانە گشتییەکانیان ئاگر دا و هەڵسوکەوتی توندئاژۆیانە و ڕێکخراوەیان گرتە بەر.
ناوبراو بە ئاماژە بە کوژرانی 200 کەس لە هێزەکانی پۆلیس و هێزی ئەمنی لەو ئاژاوەیەدا، ڕاشیگەیاند: ڕێژەی فەرمیی کوژراوانی ئەو ڕووداوانە 3117 کەسە و پاگەندەی کوژرانی 30 هەزار کەس تەواو درۆیە و ئەگەر کەسێک ئیدعای کوژراوی زیاتر دەکات، دەبێ بە زیادکردنی ناوی کەسێک بەو لیستە بیسەلمێنێت؛ کارێک کە تا ئێستا نەکراوە!