سه‌ربازانی تورکیا ۱۳ مانگی دیکه‌ له‌ عێراق و سووریا ده‌مێننه‌وه‌

پارله‌مانی تورکیا ئه‌مڕۆ گه‌ڵاڵه‌ی درێژکردنه‌وه‌ی کاتی مانه‌وه‌ی هێزه‌ سه‌ربازییه‌کانی ئه‌م وڵاته‌ له‌ ده‌ره‌وه‌ی سنووره‌کانی تورکیای بۆ ماوه‌ی ۱۳ مانگی دیکه‌ش درێژ کرده‌وه‌.

به‌ ڕاپۆرتی ئاژانسی هه‌واڵی مێهر له‌ ده‌یلی سه‌باح، په‌رله‌مانی تورکیا ناردنی هێزی سه‌ربازی بۆ ده‌ره‌وه‌ی سنووره‌کانی وڵاتی زیاتر له‌ یه‌کساڵی  دیکه‌ش درێژه‌ پێدا.

 به‌ گوێره‌ی گه‌ڵاڵه‌ په‌سه‌ند کراوه‌که، ڕێگه‌ به‌ به‌ده‌وڵه‌تی تورکیا ده‌درێت هێزی بیانیش که‌ڵک له‌ بنکه‌ ئاسمانییه‌کانی تورکیا و خاکی ئه‌م وڵاته‌ وه‌ربگرن بۆ به‌رپه‌رچ دانه‌وه‌ی هه‌ڕه‌شه‌کانی وه‌ک داعش، په‌که‌که‌ یان گرووپه‌کانی سه‌ر به‌وان.

ئیسماعیل قه‌هرمان، سه‌رۆکی په‌رله‌مانی تورکیا پاش په‌سه‌ندکردنی ئه‌م گه‌ڵاڵه‌ ڕایگه‌یاند که‌ نووسینه‌وه‌ی یاسای بنه‌ره‌تی نوێ، مه‌ده‌نی و دیمۆکراتیک یه‌کمایه‌تی سه‌ره‌کی ئه‌م په‌رله‌مانه‌یه‌ بۆ ئه‌مساڵ.

 په‌سه‌ندکردنی گه‌ڵاڵه‌ی له‌م چه‌شنه‌ له‌ حاڵێکدایه‌ که‌ ئاماده‌بوونی ‌هێزه‌ سه‌ربازییه‌کانی تورکیا ه‌ خاکی عێراق و سووریا به‌ بێ داخوازی حکوومه‌تی یاسایی ئه‌و وڵاتانه‌ بووه‌ و هه‌ر ئه‌مه‌ش به‌ پێشێل کردنی یاسا و ڕێسا نێوده‌وڵه‌تییه‌کان داده‌نرێت.

News Code 5739

نیشانەکان

بۆچوونی ئێوە

You are replying to: .
  • 5 + 10 =