بە ڕاپۆرتی ئاژانسی هەواڵی مێهر، ئیسماعیل بەقایی، وتەبێژی وەزارەتی دەرەوەی ئێران لە تۆڕی کۆمەڵایەتی ئێکس نووسیویەتی: پاگەندەی وەزیری دەرەوەی فەڕەنسا کە ئێران لە "سەروبەندی پەرەپێدانی" چەکی ئەتۆمیدایە، بە تەواوی بێمانا و بێ بنەمایە.
ناوبراو لە درێژەی قسەکانیدا وتی: ئەم لێدوانە درۆیانە لەگەڵ هەڕەشەی سەپاندنی سزاکان بەسەر ئێراندا، ئەو گومانە بەهێزتر دەکەن کە هەڵوێستی ڕەخنەگرانەی فەرەنسا خەریکە بگۆڕێت بۆ ڕۆڵێکی تێکدەرانە.
وتیشی: بە دڵنیاییەوە ڕێبازێکی لەم شێوەیە هیچ شتێک بۆ پرێستیژی فەرەنسا و پێگەی فەرەنسا لە ئەوروپا و جیهاندا زیاد ناکات.
Your Comment