بە ڕاپۆرتی ئاژانسی هەواڵی مێهر، سەید عەباس عێراقچی، وێڕای بەشداری کردنی لە کۆبوونەوەی بارەگای نەورۆزی مانگی سووری ئێران، لە وەڵامی پرسیارێک سەبارەت بە دانوستان لەگەڵ ئەمریکا، وتی: ئێمە لە ژێر ئەوپەڕی گوشار و هەڕەشە کە ڕۆژانە دەکرێت، ناچینە ناو دانوستانی ڕاستەوخۆ لەگەڵ ئەمریکا، و ئەمە سیاسەتی ڕوونی ئێمەیە تا گۆڕانکاری لە ڕوانگەی لایەنی بەرامبەر ئێران و گەلی ئێران ڕوو نەدات.
ناوبراو لە درێژەی قسەکانیدا وتی: لەگەڵ ئەو تۆمەتانەی کە ڕۆژانە لەلایەن ئەمریکییەکانەوە دژ بە ئێران دەکرێت و ئەو سیاسەتانەی کە ڕۆژانە ڕادەگەیەنرێن و ئەو داواکارییە ناعەقڵانی و قبووڵنەکراوانەی کە ڕۆژانە دەخرێنەڕوو و داوای دەکرێن، ئێمە ناچینە هیچ دانوستانێکی ڕاستەوخۆ لەگەڵ لایەنە ئەمریکییەکان.
بێگومان ڕێگە بۆ دانوستانی ناڕاستەوخۆ کراوەیە و ئەگەری ئەوەمان هەیە لە ڕێگەی کەناڵی جۆراوجۆرەوە ئەو کارە بکەین.
عێراقچی جەختی کرد: ئامانج و ئەرکی ئێمە بەدیهێنانی بەرژەوەندی نەتەوەیی و ئاسایشی وڵات و خەڵکی ئێرانە و لەم بوارەشدا هیچ دەرفەتێک لە دەست نادەین.
Your Comment