بە پێی ڕاپۆرتی ئاژانسی هەواڵی مێهر، مانگرتن و ناڕەزایەتی دەربڕینی مامۆستایانی شاری سلێمانی لهكاتێكدایه كه مووچهخۆران له ههرێمی كوردستان تا ئێستا مووچهی مانگی 12ی 2024 و موچهی مانگی 1ی 2025یان وهرنهگرتووه، له چهند ساڵی ڕابردوشدا ساڵانه دوو یان سێ مووچهی فهرمانبهران نهدراوه و تائێستا حكوومهت چارهنووسی ئاشكرا نهكردووه.
خۆپیشاندان و ناڕهزایی مامۆستایان زۆرینهی كات له سلێمانی و ههڵهبجهی ژێر دهسهڵاتی یهكێتیدا ئهنجامدهدرێت، ئێستا ئهو حزبه داوا دهكات بهرپرسان دوور بكهنهوه له لێدوانی زبر و شهڕی دهرونی لهگهڵ مووچهخۆران.
لوقمان وەردی، پەرلەمانتاری خولی پێنجەمی كوردستان لە فراكسیۆنی یەكێتی بە خەندان-ی ڕاگەیاند، "دۆخی دارایی هەرێمی كوردستان زۆرخراپە و بازاڕ وەستاوه، لەگەڵ ئەوەشدا فەرمانبەران بە دوو مانگ جارێك مووچە وەردەگرن، بۆیە نابێت شەڕی نەفسیان لەگەڵدا بكرێت".
داواكردنی مووچە، مافێكی سەرەتایی فەرمانبەران و ئەركی حكوومەتە
وتیشی، "داواكردنی مووچە، مافێكی سەرەتایی فەرمانبەرانە و ئەركی حكومەتە بە هەرشێوەیەك بێت موچە بۆ فەرمانبەرانی دابین بكات، دەبێت كاربەدەستانی حكومەت خۆیان بپارێزن لە لێدوانی زبر و برینداركردنی هەست و شعووری هاووڵاتیانی هەرێمی كوردستان".
عهلی حهمهساڵح، بڕیاردهری ڕهوتی ههڵوێست و پهرلهمانتاری ئهو حزبه له پهیامێكی ڤیدیۆدا وتی، "هیچ حوكمڕانییهك نیه له دنیادا بڵێت له موچه بهرپرس نیم، بهڵام سهرانه و باج و گومرگ وهربگرێت، بۆیه دهسهڵاتدارانی پارتی و یهكێتی بهرپرسن لهو دۆخه لهكاتێكدا ئهوان شهو و ڕۆژ قاچاغچێتی دهكهن و مامۆستایانیش مانگرتنیان ڕاگهیاندوه".
تهنها ساڵی ڕابردو زیاتر له 100 ملیۆن بهرمیل نهوت فرۆشراوه
ئهوهشی وت، "دهسهڵاتدارانی ههرێم بهرپرسن له ژیانی خهڵك، لهكاتێكدا تهنها ساڵی ڕابردو زیاتر له 100 ملیۆن بهرمیل نهوت فرۆشراوه و به بههای زیاتر له 40 ملیار دۆلار زهوی ههولێر و سلێمانی دابهشكراوه بهسهر كۆمپانیاكاندا و خۆیان و ماڵ و منداڵیان بونهته ملیۆنهر، بهڵام خۆشاردنهوه له داوای خهڵك و مووچهخۆران ئهوپهڕی زهلیلیه.
ئەمە لە حاڵێکدایە کە پێشەوا هەورامانی كه پێشتر ئهندامی فراكسیۆنی پارتی بوو له دوای تهواوبوونی كارهكانی خولی پێنجهمی پهرلهمانی كوردستان كرایه وتهبێژی حكومهت، دوێنێ له كۆنگرهیهكی ڕۆژنامهوانیدا به زمانێك لهبارهی مامۆستایانی ناڕازیی قسهی كرد كه شهقام و ههندێك له لایهن سیاسیهكانی نیگهران كرد.
هەورامانی به زمانێكی توند وتی، "بەشێك لەو مامۆستایانەی ئێستا لەژێر خێمەدان لە سلێمانی، خۆپیشاندان و جادەگرتنیان بۆ ئەوەبو كە ئێمە بچینە بەغدا موچە وەربگرین، هەندێك دەموچاویان تێدایە هێندەی باوەشیانكردوە بە هەندێك سەركردەی بێزراوی میلیشیا عێراقییەكاندا رەنگی ئەوانیان گرتوە".
تهنانهت تۆمهتباری كردن بهوهی كه "بەشێكیان خۆیان كاندید دەكەن بۆیە بەشێك لە مامۆستایان مانگرتوو وەك نوێنەری هەندێك سەركردەی دژە كورد سەیریان دەكەین".
فاتیح سەنگاوی، ئەندامی فراكسیۆنی یهكگرتو له پەرلەمانی كوردستان بە خەندان-ی ڕاگەیاند، "وتەبێژی حكومەت دەبێت بەرپرسیارانەتر قسە بكات، ئەو ڕۆحە حزبیە لەناو حزبی كوردسیان بە مانا سلبیەكەی چەسپاوە، نابێت بیگوازێتەوە بۆ ناو حكومەت، خەڵكی ئهگەر ناڕازیش بێت، حكومەت دەبێت بەرپرسیارانە مامەڵەبكات، هەموان بە خەڵكی خۆی ببینێت.
ئاماژهی بهوهشكرد، ئەوجۆرە لە لێدوان و تۆمەتباركردنی ئەو مانگرتوانە، قسەی كەسێكی بەرپرس و كەسێك نییە كە بۆ میلەتەكەی قسەبكات، بۆیە ئەوان وەك یەكگرتو ئەو جۆرە لە وتەبێژی و دەربڕین بە زۆر سلبی و خراپ دەبینین، بۆیه "دەبێت لێپرسینەوە لەگەڵ ئەودا بكرێت كە بەو زمانە قسە دەكات، زمانی قسەكردن لەگەڵ كەسێك كە داوای هەیە و مافی خوراوە، دەبێت هێوركەرەوەبێت نەك تۆمەتباركردن و ناوزراندن.
هەروەها عومەر گوڵپی، كاندیدی دەرچوی كۆمەڵی دادگەری كوردستان بە خەندان-ی وت، "ئەگەر ئەوە لێدوانی شەخستی وتەبێژی حكومەتی هەرێم بێت، ئەوا ئەوان هیچ قسەیەكی لەبارەوە ناكەن، بەڵام ئەگەر ئەوە قسەی حكومەتی هەرێمی كوردستان بێت ئەوا بێڕێزیە بە خەڵكی كوردستان، موچەخۆران، مامۆستایان و مانگرتوان".
حكوومەت، حكوومەتی خەڵك و یاسا و دامەزراوە و بێلایەن نەماوەعومەر گوڵپی كه حزبهكهی بڕیاریداوه نهچێته پهرلهمانی كوردستان، وتی، "ئەوە بەڵگەی ئەوەیه كە حكومەت، حكومەتی خەڵك و یاسا و دامەزراوە و بێلایەن نەماوە و بوەتە حكوومەتی گروپێكی بچووك لەناو دەسەڵاتدا و ناتوانن بێلایەنانە مامەڵە لەگەڵ خەڵكی كوردستاندا بكەن، وەك چۆن شكستیانهێنا لە دابینكردنی مووچە و پێشكەشكردنی خزمەتگوزاری، بە هەمانشێوە شكستیانخواردوە تەنانەت لە دواندنی ڕایگشتی و هاووڵاتیان".
گوڵپی ههروهها باسی لەوەشكرد، "لە هەموو دنیادا حكومەت بێلایەنە، حكوومەتی ئەو كەسانەیە كە دەنگیان پێداوە و كە ئۆپۆزسیۆنیشن، حكومەتی ئەوانەیە كە خۆشیانەوێت و ئەوانەشە كە خۆشیان ناوێت، ئێستا زۆرینەی خەڵكی كوردستان ڕقی لەوجۆرە حكومەتەیە كە لەسەر بنەمای گەندەڵی و ستەم و ناعەدالەتی وەستاوە و نەفرەتیان لێدەكەن، بۆیە نەدەبو بەوجۆرە لێدوانانە خەڵكی زیاتر تووڕە بكەن".
Your Comment