بە ڕاپۆرتی ئاژانسی هەواڵی مێهر، فازل شەن یاشار کە دوای کوژرانی باوک و دوو برای لە لایەن پارێزەرانی ئیبراهیم خەلیل یەلدێز، پەرلەمانتاری پێشووی ئاکەپە لە ١٤ی ژوئەنی ٢٠١٨دا دەسبەسەر کرابوو، لە دادگای ڕۆژی ڕابردوودا بە مەرجی یەخسیری ناوماڵ، حوکمی ئازادی لە زیندانی پێدرا.
دوای ئازادکرانی فازل، ئەندامانی دەم پارتی و لەوان عومەر ئۆجەلان(نوێنەری ئۆرفا)، ئایتن کایا و موسلم باران (شارەوانانی هاوبەشی سووروچ) وێڕای فەرید شەن یاشاری برای سەردانیان کرد.
شایانی باسە، ئامینە شەن یاشار دوای کوژرانی دوو کوڕ و هاوسەرەکەی و گیرانی فازلی کوڕی، ٦ ساڵ بەردەوام کە لە پێناو دادخوازی و دادپەروەری بۆ خێزانەکەی لە بەردەم بینای دادگەی ئۆرفا و پەرلەمانی تورکیا لە ئەنقەرەدا مانی گرت.
Your Comment