بە پێی ڕاپۆرتی ئاژانسی هەواڵی مێهر، لە یەکەم ڕۆژی مانگی پووشپەڕی ساڵی ١٣٦٠ی کۆچیدا، ڕێکخراوی تەبلیغاتر ئیسلامی بە فەرمانی ئیمام خومەینی دامەزرا.
ئەم دامەزراوەیە بە ئامانجی بەرزکردنەوەی کولتووری دەوڵەمەندی ئیسلامی و بووژاندنەوەی ژیانی ڕۆحی و ڕوونکردنەوە و پێشخستنی پێوەرە ئایینیەکان چالاک کرا.
لەو نووسراوەیەدا حوجەتولئیسلام قومی وتوویەتی: هەروەها ئەم ڕۆژە بە ڕۆژی بانگەشە و زانیاری ئایینی ناونراوە. بەو پێیەی بناغە بنەڕەتییەکانی وڵاتەکەمان لەسەر بنەمای بیروباوەڕی ئایینی دامەزراوە، پێویستە ئایین لە لووتکەی سەرنجدا بێت و چالاکی پێویست و گونجاو ئەنجام بدرێت لە پێناو پاراستن و بڵاوکردنەوەی.
ئێمە هەوڵ دەدەین ئەم ڕێکخراوە لە پێگەی سەرەکی خۆی نزیک بکەینەوە، واتە ببێت بە دامەزراوەیەکی ڕێنوێنی و پاڵپشت بۆ ڕەوتی جەماوەریی بانگەشەی ئیسلامی، لە هەمان کاتدا خزمەت و پاڵپشتی کردنی بزووتنەوە خۆڕسک مەدەنییەکان کە لە ڕۆحی پاکەوە سەرهەڵدەدەن ئەرکمانە.
ڕاشیگەیاند: هەموومان خزمەتکارانی بزووتنەوەی ڕوونکردنەوەی ئیسلامی پاک، پابەندین بە بەرەوپێشبردن و تێگەیشتن لە پێداویستییە کۆمەڵایەتییەکانی دینەکەمان و دەبێ هەموومان پێکەوە بەشدار بین لە بانگەشەی ئیسلامدا.
Your Comment