بە پێی ڕاپۆرتی ئاژانسی هەواڵی مێهر، بەگوێرەی زانیارییەکان خۆپیشاندان لە شارەکانی وان، ئامەد، جولەمێرگ، ئیدر، باتمان و چەند ناوچەی دیکە بەردەوامە و کوردەکان دژی بڕیارەکەی ئەردۆغان ڕژاونەتە سەر شەقام.
لەهەندێک لەشوێنەکان پێکدادان لەنێوان پۆلیس و خۆپێشاندەراندا ڕووی داوە و پۆلیس تووندوتیژی دژی خۆپیشاندەران بەکارهێناوە.
لای خۆیانەوە نوێنەران و بەرپڕسانی دەم پارتی و دەنگدەرانیان دەڵێن بەهیچ شێوەیەک ئەو بڕیارەی ئاکپارتی قبوڵ ناکەن.
لای خۆیەوە ئۆزیل ئۆزگور سەرۆکی جەهەپە نیگەرانی خۆی لەبڕیاری دەسەڵاتدارانی تورکیا بۆ دوورخستنەوەی کاندیدی دەرچووی شارەوانی وان نیشان داو ئەو بڕیارەی ڕەتکردەوە.
بڕیارە سبەی چوارشەممە دەم پارتی چالاکییەکان بۆ ڕەتکردنەوەی بڕیارەکە درێژە پێبدات.
Your Comment