بە ڕاپۆرتی ئاژانسی هەواڵی مێهر، سەید ئیبراهیم ڕەئیسی شەوی دووشەممە لە ڕێوڕەسمی ڕۆژی شەهید کە بە ئامادەبوونی کۆمەڵێک لە بنەماڵەی شەهیدان لە مزگەوتی سەلمانی فارسی بەڕێوە چوو، وتی: ڕۆژی شەهید لە بەر ئەوەی کە جارێکی دیکە ناو، ڕێگا، ئامانج و ئارەزووی شەهیدانمان وەبیر دەخاتەوە، گرینگە.
سەرۆک کۆماری ئێران ئاسایش، یەککگرتوویی و هەروەها گەورەیی و دەسەڵاتی کۆماری ئیسلامی ئێرانی ئەنجامی خوێنی پاکی شەهیدان ڕاگەیاند و وتی: دوژمنان لە سەرەتای سەرکەوتنی شۆڕشی ئیسلامییەوە بە پیلان و ئاژاوەی جیاواز بەدوای دروست کردنی بێ هیوایی لە خەڵکدا بوون، بەڵام شەهیدان نە بە قسە، بەڵکوو بە کردەوە فێرمانیان کرد کە دەتوانین بە پشت بەستن بە خودا کێشەکانی چارەسەر بکەین.
Your Comment