بە پێی ڕاپۆرتی ئاژانسی هەواڵی مێهر، باسم عەوادی، وتەبێژی محەمەد شیاع سودانی ئەمڕۆ شەممە ڕایگەیاند، ئەو بابەتەی بەناونیشانی "ئایا هەرێمی کوردستان هەڵدەوەشێتەوە؟" کە لە ڕۆژنامەی سەباح-ی نیمچە فەرمی بڵاوکراوەتەوە، "ڕای شەخسییە و تەعبیر لە تێڕوانینی حکومەت و لایەنە فەرمییەکان ناکات".
وتەبێژی سەرۆك وەزیرانی عێراق دەشڵێت "دەستووری عێراق دیاریکردووە دەوڵەتێکی یەکگرتووە، لە ماددەکانی دیکەشیدا پەیوەندی حکومەتی عێراق و حکومەتی هەرێمی دیاریکردووە".
لە راپرسییەکدا کە لەلایەن سەنتەری راپرسی و شیکاری عێراقەوە ئەنجامدراوەو لە رێگەی رۆژنامەی سەباحی عێراقیەوە کە رۆژنامەیەکی نیمچە فەرمی حکومەتی عێراقە بڵاوکراوەتەوە، ئەوەهاتووە زۆرینەی خەڵکی هەرێمی کوردستان لە گەڵ هەڵوەشاندنەوەی قەوارەی هەرێمی کوردستاندان و دەنگیان بە هەڵوەشاندنەوەی قەوارەی هەرێمی کوردستان داوە و داوادەکەن شتێک نەمینێت بەناوی قەوارەی هەرێمی کوردستان وگەڕانەوە بۆ ژێر دەسەڵاتی بەغدا بە چارەسەر دەزانن.
Your Comment