بە ڕاپۆرتی ئاژانسی هەواڵی مێهر، عەلی بەهادوری وتەبێژی دەوڵەتی ئێران ئەمڕۆ چوارشەممە لە پەراوێزی کۆبوونەوەی کابینەی دەوڵەت لە کۆنگرەی ڕۆژنامەڤانی سەبارەت بە سەفەری جۆزێف بورل بۆ ئێران وتی: ئێران بەردەوام ڕوانگەیەکی چالاک و داهێنەرانەی بۆ گفتوگۆ بۆ هەڵوەشاندنەوەی گەمارۆکان هەبووە و سەفەیر ئاغەی بەرلیش لە هەمان درێژە بووە. هەم ئێران و هەم یەکێتی ئەورووپاش لەسەر درێژەی دانوستانەکان بۆ هەڵوەشاندنەوەی گەمارۆکان یەکدەنگ بوون و لەسەر ڕێگایەک بۆ خێرا کردنەوەی دانوستانەکان هاوڕا بوون.
ناوبراو درێژەی دا: سەفەری دۆحە و دانوستانەکانی قەتەر لە درێژەی بەردەوام بوونی دانوستانەکانە تا ئێران دانوستانێکی وەکوو ڕابردوو و لە درێژەی هەمان دانوستانەکانی ڕابردوو، بە شێوەی ڕاستەوخۆ لەگەڵ یەکێتی ئەورووپا لە دۆحە، بگرێتە پێش. هیوادارین بە وەلانانی شێوەی ترامپ(پێشێل کردنی مافی نێودەوڵەتی و پابەند نەبوون بە ڕێککەوتنە پێشووەکان و لەبەرچاو نەگرتنی مافی گەلی ئێران) لەلایەن دوەڵەتی نوێی ئەمریکاوە، بتوانین ڕێککەوتنی باش و قبووڵ کراو بکەین.
Your Comment