جیهان ئەبێ لە بەرانبەر تاک لایەنەیی ئەمریکاوە یەک بگرێت

بە ڕاپۆرتی ئاژانسی هەواڵی مێهر، دەریاوان عەلی شەمخانی کە بۆ بەشداری لە چوارەمین گفتوگۆی ئاسایشی ناوچەیی چووەتە تاجیکستان، لەگەڵ نیکۆلای پاترۆشێف ئەمینداری ئەنجومەنی ئاسایشی ڕووسیا دیدار و لەسەر پرسی دوولایەنە، ناوچەیی و نێودەوڵەتی گفتوگۆی کرد.

لە ئەو دیدارەدا دەریاوان شەمخانی بە دەربڕینی ڕەزامەندی لە ئاستی باڵای ستراتیژی دوو وڵاتەکە لە ئاستی جیاواز لەسەر زەروورەتی تۆکمە کردنەوەی هاوکارییەکانی ئێران و ڕووسیا بە پێی گۆڕانکارییە نوێیەکان لە ئاستی نێودەوڵەتی جەختی کرد.

شەمخانی لسەر زەروورەتی دانانی بنەمای هاوکارییە ستراتیژیکەکانی تاران و مسکۆ بۆ بەرەوڕوو بوونەوەی سیاسەتە تاک لایەنەکانی ئەمریکا جەختی کرد و زیادی کرد: وادیارە گەمارۆکان لە دژی ڕووسیا بە کۆتایی هاتنی شەڕ هەڵناوەشێتەوە و کەواتە بۆ پێکهێنانی سیستەمی پتەوی هاوکاریی نێوان وڵاتانی گەمارۆدراو پیلانی درێژخایەن بڕێژرێت.