وڵاتانی ڕۆژاوایی بۆ دراوسێکانمان نیگەرانی ساز دەکەن

وەزیری دەرەوەی ئێران دوای سەفەری دوو ڕۆژە بۆ عومان و قەتەر، چەند کاتژمێر لەمەوپێش گەییشتەوە تاران.

بە ڕاپۆرتی ئاژانسی هەواڵی مێهر، حسێن ئەمیر عەبدوڵڵاهیان سەبارەت بە دەستکەوتەکانی سەفەرە ناوچەییەکەی خۆی بۆ دۆحە وتی کە بڕیارە گرووپێک لە وەزیران لە ئێرانەوە سەردانی دۆحە بکەن. پرسی بازرگانی، ئابووری و هاوکاری لە بواری تەکنۆلۆژیا و تەندروستی و بەتایبەتی کۆرۆنا لە بابەتی دانوستانەکان دەبێت.

وەزیری دەرەوەی ئێران وتیشی: گفتوگۆ و هاوکاری لە بواری پرسی گرینگی ناوچەیی یەکێکی دیکە لە بابەتەکانی گفتوگۆ لە ئەو سەفەرە بوو و ئێران بەردەوام ئایدیان نوێی بۆ تۆکمە کردنەوەی ڕەوتی هاوکاری و گفتوگۆکان بۆ هاوکاری ناوچەیی پێشکەش کردووە و ئەمیری قەتەر یەکێک لە سەرۆکانی ناوچەکەیە کە بەردەوام لە ئایدیاکانی ئێران پێشوازی کردووە.

ئەمیر عەبدوڵڵاهیان زیادی کرد: ئێران پێی وایە کە ڕێگاچارەی هەندیک لە قەیرانەکان لە ناوچەکە، بەس سیاسییە و نابێت لە ڕێگای زۆر و سەربازی و هێژمۆنیکەوە بچینە ناو و ئەوە لە قازانجی ناوچەکە نییە.

ناوبراو لە درێژەی قسەکانیدا وتی: هەندیک لە لایەنەکانی ئێمە لە دانوستانەکانی ڤیەنا هەوڵ دەدەن بە گواستنەوەی ناڕاستی بابەتەکان بە دراوسێکان، ببنە هۆی نیگەرانی ئەوان، بڵام یەکێک لە ئامانجەکانی ئێمە لە ئەو گفتوگۆ و سەفەرانە ئەوەیە کە ئەوان لە زمانی خۆمانەوە ڕەوتی دانوستانەکان ببیستن و دۆستانی ئێمە لە ناوچەکەش هەندێک ڕاوێژمان پێ دەدەن کە لە ڕەوتی دانوستانەکان یارمەتیدەرە.

News Code 40685

نیشانەکان

بۆچوونی ئێوە

You are replying to: .
  • 2 + 3 =