گرۆسی لە ئەمریکا فەرمان وەردەگرێت/ ئاژانس خەریکە سیاسی تووش دەبێت

کارناسی پرسە نێودەوڵەتییەکان وتی: ئاژانسی نێودەوڵەتی وزەی ناڤۆکی بووەتە ناوەندێک کە بە فەرمانی ئەمریکییەکان کار دەکات و ڕافائێل گرۆسی لە دەوڵەتی ئەمریاک فەرمان وەردەگرێت.

بە ڕاپۆرتی ئاژانسی هەواڵی مێهر، فواد ئیزەدی ئەندامی لێژنەی زانستی زانکۆی تاران لە گفتوگۆ لەگەڵ هەواڵنێری مێهر، وێڕای لێکدانەوەی سەفەری ڕافائێل گرۆسی، بەرپرسی گشتی ئاژانسی نێودەوڵەتی وزەی ناڤۆکی وتی: ئاژانس بووەتە ناوەندێک کە بە فەرمانی ئەمریکا کار دەکات و گرۆسی فەرمان لە دەوڵەتی ئەمریکا وەردەگرێت؛ ئەو خاڵەش خاڵێکی نوێ نییە، پێشتریش ئامانۆ هەر ئاوا بووە.

ناوبراو زیادی کرد: ئاژانس لە بنکەیەکەوە کە ئەبێ لە بواری تەکنیکی ناڤۆکی کار بکات، بووەتە بنکەیەکی تەواو سیاسی.

کارناسی پرسە نێودەوڵەتییەکان وتیشی: کارەکانی گرۆسیش هەر ئەوە نیشان دەدات؛ ئاڵبەت ئەوە بە ئەو مانا نییە کە ناوبراو نەیێتە ئێران، بەڵکوو ئەو کێشە کە هەیە، واتا سیاسی بوونی ئاژانس، بە جۆرێک بەڕێوە ببرێت و سیاسەتی ناڤۆکی وڵات بە بێ بچووکترین سەرەنجێک بە کەشسازییەکان، ڕێگای خۆی بپێوێت.

ئیزەدی زیادی کرد: ئێمە لە ڕابردوو ئەزموونێکمان هەیە کە یەک بە یەکی ڕوانگەکانی لایەنی بەرانبەر جێ بەجێ کرا و شتێک بە ناوی ڕێککەوتنی ناڤۆکی هاتە ئاراوە و بەڕێوەشمان برد، بەڵام دواتر بینیمان کە لە کردەوەدا چ ڕووی دا.

ناوبراو سەبارەت بە هێنانە ئارای گەڵاڵەی جیاواز لە ڕەوتی دانوستانەکان، وتی: گەڵاڵەی جیاواز هاتووەتە ئاراوە و هەرچی بە 8 ی سەرماوەز نزیکتر دەبینەوە، ئەو بابەتانەش زیاتر دەبنەوە.

شرۆڤەکاری پرسە نێودەوڵەتییەکان جەختی کرد: بنەمایەکی گشتی هەیە و ئەویش ئەوەیە کە بۆ گەڕانەوەی ئێران بۆ بەڵێنەکانی لەژێر ناوی ڕێککەوتنی ناڤۆکی، ئەبێ سەرجەم گەمارۆکان هەڵبوەشێنەوە و دڵنیاییەکیش بدرێت کە ئەو هەڵوەشانەوە، کاتی نییە.

ئیزدەی بە وتنی ئەوەی کە ئەگەر ئەو بابەتە بێتە دی، لەژێر هەر ناوێکیش کە بێت، هەنگاوێک بەرەو پێش دەبێت، جەختی کرد: ئەگەر لایەنی بەرانبەر بیەوێت بە کەشسازی، بانگەشە و گۆڕینی ناو و هەڵمەتی دەروونی بگاتە ئامانجەکانی خۆی، ئەوە ڕێگایەکی هەڵەیە.

ناوبراو هەروەها سەبارەت بە سەپاندنی گەمارۆی نوێ ئەمریکا لەسەر بەرپرسانی ئێران وتی: پەیامی گەمارۆی نوێی ئەمریکا دیارە و سیاسەتی دژە ئێران ئەمریکا درێژەی هەیە، بەم پێیە چ خاڵ بدەنە ئەمریکا و چ نەدەن، جیاوازیەکی نییە و سەربزێوییەکانی ئەمریکا درێژەی هەیە.

ئەو کارناسە نێودەوڵەتییە وتی: لە پێوەندی نێودەوڵەتیدا بنەمایەکمان بە ناوی دانوستان بە نیازپاکییەوە هەیە. دانوستان لەژێر ناوی نیازپاکی، واتا کاتێک دوولایەنە ئامادە دەبن بۆ دانوستان، بەدوای چارەسەری کێشەن و بە نیازپاکییەوە دەجنە سەر مێزی دانوستان، نەک ئەوەی کە لە دانوستان وەکوو کارتی گوشار بۆ لایەنی بەرانبەر بەکاری بهێنن.

ئیزەدی وتیشی: کاتێک کە ئەمریکییەکان کەس یان کۆمپانیاگەلێک گەمارۆ دەدەن، نیشانی دەدات، ئەمریکا نیازپاک نییە و بنەما سەرەتاییەکەی دانوستانی لەبەرچاو نەگرتووە. ئەوە پەیامیکە بۆ ئێران کە لە بەرانبەر ئەمریکا ژیرانە هەڵسوکەوت بکات.

News Code 40069

نیشانەکان

بۆچوونی ئێوە

You are replying to: .
  • 1 + 8 =