بە پێی هەواڵی مێهر بە گوێرەی ئیسپوتنیک، جان کەربی وتەبێژی وەزارەتی بەرگری ئەمریکا ڕایگەیاند کە پێنتاگۆن "خەریکی هەڵسەنگاندنی بەربڵاوی خەسارەکان" پاش هێرشی مووشەکی بۆ بنکەی سەربازی ئەمریکییەکان لە ڕۆژهەڵاتی سووریایە.
جان کەربی وێڕای دووپات کردنەوەی ئەم وتە کە "ئەم هێرشە هیچ خەسارێکی بەدواوە نەبووە"، وتی: دەزانم کە دوو بینا هێرش کرایە سەریان. ئێمە ئەمە بە جیدی وەردەگرین و من دەڵێم کە بە تێپەڕ بوونی کات، ڕاستییەکان زۆرتر ڕوون دەبنەوە.
ڕۆژی پێشوو هەواڵنێری ئەلمەیادین لو سووریا رایگەیاند: لە هێرشی مووشەکی بۆ بنکەی سەربازانی ئەمریکیی لە ڕۆژهەڵاتی سووریا 7 کەس کە فەرماندەیەکیشیان تێدایە و هەروەها ژمارەیەک سەربازی ئەمریکیی و هێزەکانی هاوپەیمانی بریندار بوون.
سەرچاوە سوورییەکان بە بێ ڕاگەیاندنی ژمارەی برینداران، ڕایانگەیاندووە کە برینداران بۆ نەخۆشخانەیەک لە باشووری حەسەکە گوێزراونەتەوە.
بۆچوونی ئێوە