بە ڕاپۆرتی ئاژانسی هەواڵی مێهر لە ئەلعەهد، یەحیا سنوار سەرۆکی نووسینگەی سیاسی بزووتنەوەی بەرخۆدانی ئیسلامی حەماس لە کەرتی غەززە بە ئاماژە بە شەڕی شمشێوی قودس و سەرکەوتنی گرووپەکانی بەرخۆدانی فەلەستین لە ئەو شەڕە وتی: چینە جیاجیاکانی خەڵکی فەلەستین توانیان لە بەرانبەر دوژمنی ئیسرائیل سەربکەون.
بە پێی ئەم ڕاپۆرتە، سنوار زیادی کرد: شەڕی شمشێری قودس گۆرانکارییەکی ستراتیژیکی لە هاوکێشی شەڕ لەگەڵ ئیسرائیلییەکان دروست کرد. گەلی فەلەستین لە شەڕی شمشێری قودس گرووپەکانی بەرخۆدانیان لە ئامیز گرت و پاڵپشتیان لێیان کرد.
ڕۆژی ڕابردووش سنوار وتبووی: ئازادی قودس و مزگەوتی ئەقسا بە پشتی خودا نزیکتر لە هەر کاتێکی دیکەیە. پیلانەکان دژی پرسی فەلەستین و ئاسایی کردنەوەی پێوەندییەکان لەگەڵ دوژمی زایۆنی هەرگیز لەسەر فەلەستینییەکان و هەڵوێستەکانیان کاریگەر نەبووە.
ماوەیەک لەمەوپێشیش خالید مەشعەل سەرۆکی حەماس لە دەرەوەی لە فەلەستین لە لێدوانێکدا وتی: شەڕی شمشێری قودس داهێنانی بەرخۆدانی فەلەستینی پیشان دا.
ناوبراو زیادی کرد: دانیشتووانی ناوچە داگیرکراوەکانی 1948 گەورەترین پشتیوانی دانیشتووانی قودسن. مەشعەل لە درێژەدا وتی: دوژمنان پێیان وابوو شەڕ دژی قودس کۆتایی هاتووە، بەڵام نەیدەزانی کە ئەو شارە هۆی خێر و بەرەکەتە و ورەی ئۆمەتی ئیسلامی بۆ بەرگری لە پیرۆزییەکانی خۆی زیاتر لە ڕابردوو بەرز دەکاتەوە.
Your Comment