جەواد زەریف گەیشتە هەولێر/ قوباد تاڵەبانی پێشوازی لێکرد

بە پێی ڕاپۆرتی ئاژانسی هەواڵی مێهر, وەزیری دەرەوەی ئێران گەیشتە فڕۆکەخانەی نێودەوڵەتی هەولێر و لەلایەن شاندێکی باڵای حکومەتی هەرێم بە سەرۆکایەتی قوباد تاڵەبانی، جێگری سەرۆک وەزیران پێشوازی لێکرا.

 محەمەد جەواد زەریف، وەزیری دەرەوەی ئێران بە فڕۆکەیەکی تایبەت بە سەرۆکایەتی شاندێک گەیشتوەتە فڕۆکەخانەی نێودەوڵەتی هەولێر و لەلایەن شاندێکی حکومەتی هەرێمی کوردستانەوە بە سەرۆکایەتی قوباد تاڵەبانی پێشوازی لێکراوە و دواتر لە هۆڵی پێشوازی فڕۆکەخانە بۆ ماوەیەکی کورت پێکەوە کۆبوونەتەوە.

ئاماژەی بەوەشکرد، وەزیری دەرەوەی ئێران لەگەڵ بەرپرسانی باڵای هەرێمی کوردستان کۆدەبێتەوە و پەیوەنیدەکانی نێوان هەولێر و تاران تاوتوێ دەکەن.