تەقینەوە لە پاپۆڕێکی بازرگانی ئێران ڕووی دا

وتەبێژی وەزارەتی دەرەوەی ئێران بە ڕاگەیاندنی ئەوەی کە پاپۆڕی بازرگانی ساویز سەرلەبەیانی سێشەممە لە دەریای سوور بەهۆی تەقەینەوە تووشی خەسار ورد بوو، وتی: هیچ جۆرە خەسارێکی گیانی بەدواوە نەبووە.

بە ڕاپۆرتی ئاژانسی هەواڵی مێهر، سەعید خەتیب زادە وتەبێژی وەزارەتی دەرەوە لە وەڵامی پرسیاری هەواڵنێران سەبارەت بە هێرش بۆ سەر پاپۆڕی بازرگانی ئێران لە دەریای سوور، وتی: پاپۆڕێکی بازرگانی ئێران بە ناوی ساویز ڕۆژی سێشەممە 17 ی خاکەلێوە نزیک کاتژمێر 6 ی بەیانی بە کاتی ناوچەیی لە دەریای سوور و لە نزیک کەنارەکانی وڵاتی جیبۆتی بەهۆی تەقینەوەیەک کە سەرچاوەکەی تاوتوێ دەکریت، تووشی خەسار ورد بووە.

ناوبراو جەختی کرد: بە پێی ڕاگەیاندنی پێشووی فەرمی و هەماهەنگی ئەنجام دراو لەگەڵ ڕێکخراوە نێودەوڵەتییە دەریاوانییەکان وەکوو بنکەی مەرجەع، پاپۆڕی ناسەربازی ساویز بۆ ئاسایشی دەریاوانی لە هێڵی پاپۆڕوانی و ڕووبەڕوو بوونەوەی دزانی دەریایی لە ناوچەی دەریای سوور و خەلیجی عەدەن جێگیر کرابوو. ئەو پاپۆڕە وەکوو وێستگەی لۆجستیکی ئێران لە دەریای سوور کاری دەکرد و کەواتە ئەرکی ئەو پاپۆڕە پێشتر بە شێوەی فەرمی بە لایەنی پێوەندیدار ڕاگەیێندرابوو.

News Code 36716

نیشانەکان

بۆچوونی ئێوە

You are replying to: .
  • 6 + 10 =