739   هەزار کەس سەردانی شوێنە مێژوویی و گەشتیارییەکانی کوردستانیان کردووە

جێگری گەشتیاری ئیدارەی میراتی فەرهەنگی کوردستان وتی: تا ئێستا 738 هەزار و 864 کەس لە موسافرانی نەورۆزی لە شوێنە مێژوویی و گەشتیارییەکانی پارێزگا سەردانیان کرد.

بە ڕاپۆرتی ئاژانسی هەواڵی مێهر، ئارمان وەتەن دووست ڕایگەیاند: لە 28 ی ڕەشەممەی ساڵی ڕابردووەوە تا ئێستا بەگشتی 16 هەزار و 6 موسافری نەورۆزی لە هۆتێل، میوانخانەکان، شوێنە گەشتیارییەکان و هۆتێل ئاپارتمانەکانی پارێزگای کوردستان نیشتەجێ بوون و لە ئەم ڕۆژانەدا 738 هەزار و 864 موسافر و گەشتایری نەورۆزیش لە شوێنە مێژوویی و گەشتیارییەکانی پارێزگا سەردانیان کردووە.

ناوبراو زیادی کرد: دەریاچەی زرێبار لە شاری مەریوان، عیمارەت و ماڵە مێژووییەکان لە شاری سنە، شاری هەورامان، گوندی پاڵەنگان و بازاڕچەکانی بانە و سەقز، ئەمساڵ زیاترین ڕێژەی سەردانی گەشتیاری نەورۆزیان هەبووە.

ئارمان وەتەن دووست درێژەی دا: مۆزەخانەکان بریتی لە مۆزەخانەی خەڵکناسی ماڵی کورد، مۆزەخانەی سنە و ئەشکەوتی کەرەفتوو و هەروەها هەندێک ئاسەواری مێژوویی وەکوو عیمارەتی حەبیبی، عیمارەتی موشیردیوان لە ڕۆژانی پشووی نەورۆزی 1400 کراوە بوون و موسافران سەردانیان کردووە.

News Code 36609

نیشانەکان

بۆچوونی ئێوە

You are replying to: .
  • 1 + 2 =