بە ڕاپۆرتی ئاژانسی هەواڵی مێهر، سەرەڕای تێپەڕیی سێ مانگ لە واژۆی ڕێککەوتی ئاسایی کردنەوەی دۆخی شنگال لە نێوان بەغدا و هەولێر بەڵام خەڵکی ئەو شارە هێشتا کاریگەریی ئەو ڕێککەوتنەیان هەست پێنەکردووە.
بە پێێ ڕێککەوتنی بەغدا و هەولێر، پۆلیس و دامودەزگا ئەمنی و هەواڵگرییە نەتەوەییەکان بەرپرسیارێتی ئاسایشی ناوخۆی شنگالیان لەئەستۆ دەبێت و گرووپە چەکدارەکانی دیکە و لەوانە حەشدی شەعبی دەچنە دەرەوەی ئەو شارە و پەکەکە هیچ ڕۆڵێکی لە ئەو ناوچە نامێنێت.
لە هەمان پێوەندیدا، محما خەلیل، قایمەقامی شنگال لە گفتوگۆی لەگەڵ کەناڵی عەرەبی جەدید جەختی کرد کە هێشتا پەکەکە لە ئەو شارە نەکشاوەتەوە و تەنیا بەشێکی بچووک لە هێزەکانیان کەم کردووەتەوە و ئاستی دزەیان لە نێو شارەکە کەم نەبووەتەوە و هەر جۆرە لێدوانێکی بەرپرسان سەبارەت بە چوونە دەرەوەی ئەو هێزە دوور لە ڕاستییە.
Your Comment