بە ڕاپۆرتی ئاژانسی هەواڵی مێهر، سەرلەشکەر محەمەد باقری سەرۆکی ئەرکانی گشتی هێزە چەکدارەکان بە ناردنی پەیامێک بۆ فەرماندە و بەرپرسانی باڵای سەربازی وڵاتانی مەسێحی جیهان، لەدایک بوونی حەزرەتی عیسا و دەسپێکی ساڵی 2021 ی پیرۆزبایی کرد.
لە دەقی ئەو پەیامەدا هاتووە:زۆر خۆشحاڵین کە لەدایک بوونی پێغەمبەری میهرەبانی و ڕەحمەت حەزرەتی عیسا کوڕی پاک و خاوێنی حەزرەتی مریەم و دەسپێکی ساڵی 2021 لە خزمەت ئێوەی بەڕێز، بنەماڵە و هاوکاران و هۆگرانی ڕێگای خوداپەرستی پیرۆزبایی دەکەم.
لە درێژەی پەیامەکەدا هێناویە: بێ گومان کردەیی کردنەوەی قسەکانی پێغمبەری گەورەی خودا حەزرەتی عیسا بۆ کۆمەلگای مرۆڤایەتی، ئاشتی، دادپەروەری و ڕزگاری بەدواوە دەبێت.
ناوبراو هەروەها لە پەیامەکەیدا نووسیویە، هیوادارم وێڕای لەناو بردنی ڤایرۆسی کۆرۆنا، ساڵی نوێ ساڵێک پڕ لە میهرەبانی، هاودڵی، دۆستایەتی لە نێوان وڵاتان و گەلەکەنا بێت و بەردەوام ئاشتی و ئاسایش لە جیهان ببینین.
Your Comment