سزای زیاتر لە 22 ساڵ زیندان بە سەر لەیلا گۆڤەن دا سەپا

دادگای تورکیا سزای ٢٢ ساڵ و ٣ مانگ زیندانیی بەسەر لەیلا گۆڤەن هاوسەرۆکی کۆنگرەی کۆمەڵگەى دیموکراتیک (کەجەدە)دا سەپاند.

بە پێی ڕاپۆرتی ئاژانسی هەواڵی مێهر، لە دانیشتنی دادگا سزا قورسەکانی ئامەد بەڕێوەچوو بۆ سکاڵای دژ بە لەیلا گۆڤەن خوێنرایەوەو لە سکاڵاکەدا بە "١٨ تاوان تاوانبار" کراوە، بەڵام گۆڤەن بەشداری دانیشتنەکەى دادگا نەبوو و پارێزەرەکانی سەردار چەلەبی و جەمیلە تورهالی بالساک بەشداری دانیشتنەکەى دادگا بوون.

داواکاری گشتی لە دانیشتنەکەدا تۆمەتەکانی "دامەزراندن و بەڕێوەبردنی رێکخستن"، "ئەندامبوون لە رێکخستن"، "هاندانی گەل بۆ کۆبوونەوە، خۆپیشاندان و رێپێوان لە دژی یاسا" و "بەشداریکردن لە رێپێوانی دژ بە یاسا" خستە پاڵ گۆڤەن.

دادگاکە داوای کرد سزای زیندانی کردنی بەسەردا بسەپێنرێت، دەستەى دادگاکەش بڕیاری دەستگیرکردن و سزای ٢٢ ساڵ و ٣ مانگی زیندانیی بەسەر لەیلا گۆڤەن دا سەپاند.

لە مانگى حوزەیرانى ئەمساڵ پەرلەمانی توركیا مافی پارێزبەندی لەیلا گۆڤەن هاوسەرۆكی كۆنگرەی كۆمەڵگەی دیموكراتیك (كەجەدە) و پەرلەمانتاری هەدەپەی جۆلەمێرگ و ژمارەیەک پەرلەمانتارى هاوڕێی سەندەوە.

News Code 35289

نیشانەکان

بۆچوونی ئێوە

You are replying to: .
  • 7 + 9 =