خۆپیشاندانی ناڕەزایەتی لە رانیە

لە شاری رانیە، بەشێك لە هاوڵاتیان گردبونەتەوە بەمەبەستی دەربڕینی نارەزایی و داواكردنی موچە.

بە پێی ڕاپۆرتی ئاژانسی هەواڵی مێهر،  بەیانی ئەمڕۆ نزیكەی كاتژمێر 10:00ی بەیانی، ژمارەیەك لە موچەخۆران و كاسبكارانی شاری رانییە لە ناو بازاڕی شارەكە گردبونەوە بەمەبەستی دەربڕینی نارەزایی بەرامبەر دۆخی دارایی هەرێم و دابەشنەكردن و لێبڕینی موچە.

بە گوێرەی زانیارییەكانی خەندان، خۆپیشاندانەكە لەبەردەم باخی گشتیدا بەڕێوەدەچێت و ژمارەی خۆپیشاندەران لە چەند سەد كەسێك تێپەڕناكات، ئێستاش وتار لەلایەن چالاكوانانەوە پێشكەشدەكرێت.

هاوكات سەرچاوەیەك لەناو خۆپیشاندەرانەوە بۆ خەندان ئاماژەی بەوەكرد، هیچ توندوتیژی و پێكدادانێك لەنێو خۆپیشاندانەكاندا نییە و بە ئارامی بەڕێوەدەچێت.

بۆ پاراستنی هاوڵاتیان و ئارامی شارەكەش، هێزە ئەمنییەكان لە دورەوە جێگیركراون و چاودێری خۆپیشاندانەكان دەكەن.

News Code 35055

نیشانەکان

بۆچوونی ئێوە

You are replying to: .
  • 2 + 0 =