بە ڕاپۆرتی ئاژانسی هەواڵی مێهر، باشاک دەمیرتاش لە تویتێکدا، کە لە هەژماری تایبەتی خۆی لە تۆڕی کۆمەڵایەتی توویتەر بڵاوی کردووەتەوە، نووسیویە: دەسەڵاتدارانی تورکیا ڕێگە نادەن هەردوو کچەکەی (دەلال و دیڵدا) چاویان بە باوکیان بکەوێت.
هاوژینەکەی دەمیرتاش بەگاڵتە پێکردنەوە باسی دەکات: ڤایرۆسی کۆڕۆنا تووشی ئەو کەسانە نابێت، کە بەشداری لەو گردبوونە جەماوەریانەدا دەکەن لە دەسەڵات ڕێکیان دەخات، یان ئەوانەی لە فرۆکەکاندا لەتەنیشت یەکترەوە دادەنیشن، فەرمانبەرانی حکوومەت و ئەوانەی لە کەرتی تایبەت کار دەکەن، یان ئەو کرێکارانەی لەبەر دۆخی سەختی ژیان ناچارن کار بکەن، بەڵام تووشی ئەزیزانی ئەوان دەبێت ئەگەر لەپشتی شووشە و بەدەمامکەوە چاویان بە یەکتر بکەوێت.
باشاک دەمیرتاش هەروەها دەڵێت: ئەگەر دەسەڵاتداران ڕاست دەکەن و مەترسی بڵاوبوونەوەی ڤایرۆسی کۆڕۆنا لە زینداندا هەیە، بۆچی سیاسی و رۆژنامەنووسەکان ئازاد ناکەن، لەکاتێکدا ئەوان بەرین لەو تۆمەتانەی کە دراوەتە پاڵیان.
Your Comment