قاڵیباف: هاوکاری بازرگانی و ئابووری ئێران و عێراق زیاتر دەبێتەوە

سەرۆک وەزیرانی عێراق لە میانەی دیدار لە گەڵ بەرپرسانی باڵای ئێران ئەمڕۆ لە گەڵ سەرۆکی مەجلیس کۆبووەوە.

بە پێی هەواڵی مێهر، محەمەدباقر قاڵیباف ئەمڕۆ چوارشەمە لە چاوپێکەوتنێک لە گەڵ مستەفا کازمی سەرۆک وەزیرانی عێراق، ئێران و عێراق لەم ساڵانەی دواییدا بەبۆنەی ڕێز گرتن لە شوێنە پیرۆزە ئایینییەکان و ڕێوڕەسمی ئەربەعین پێوەندیی مێژوویی، فەرهەنگی، مرۆیی و مەعنەوی باشیان بووە و ئەم پێوەندیانە پتەو بوونەتەوە.

سەرۆک پارلەمانی ئێران ڕاشیگەیاند: ئێمەش لە وڵاتی خۆماندا بە شانازییەوە میوانداری ئەو کەسانە دەکەین بۆ زیارەت دێن بۆ شارەکانی قوم و مەشهەد و پێوەندییەکی باشمان لە گەڵ خەڵکی ئەم وڵاتە هەیە. پێوەندی سیاسی و ئابووری دوو وڵات زۆر قووڵە و بەرەو باشتر بوون دەڕوات گەرچی کۆرۆنا هەندێ لەمپەری ساز کردووە بەڵام هەر دوو وڵات بۆ زۆرتر کردنەوەی پێوەندییەکان تێدەکۆشن.

ناوبراو ڕایگەیاند: کۆماری ئیسلامی ئێران شەڕ کردن لە تێروریسم بە ئەرکی خۆیان دەزانن و هەر بۆیە بە هاوکاری هێزە چەکدارەکان و خەڵک و حەشدی شەعبی گرووپە تێروریستییەکانیان تێک‌شکاند.

قاڵیباف وتیشی: تێرور کردنی شەهید قاسم سڵێمانی و هاوڕێیانی خاڵێکی ڕەش لە کارنامەی ئەمریکا و لەبیر ناکرێت. ئەمریکا سنوورەکانی عێراقی شکاندووە و بەوپەڕی بێ‌ڕێزییەوە کەسێک تێرور دەکات کە بۆ شکاندنی تێروریسم گیانی خۆی داناوە.

سەرۆک وەزیرانی عێراقیش بە ئاماژە بە چاوەڕوانییەکانی خەڵکی هەردوو وڵاتەکە، ڕایگەیاند: دەوڵەت و پارلەمانی هەردوو وڵاتەکە ئەبێ بە گۆڕینەوەیبیر و ڕاکانیان، ئەم پێوەندییانە بەرەو شوێنێک بەرن کە بۆ هەردوولا خێر و بەرەکەتی ببێت. 

کازمی وێڕای ئاماژە بە پێوەندی کۆمەڵایەتی، فەرهەنگی و ئابووری دوو وڵاتەکە، وتیشی: ئێمە دەبێ ڕێز بگرین لەم پێوەندییانە بگرین و لە بابەتی ناوخۆیی وڵاتەکاندا بەشداری نەکەین. ئێمە ئیزن نادەین وڵاتەکەمان ببێتە شوێنێک بۆ تێکدانی هێمنایەتی ئێران و لەم دیدارانەی لە ماوەی ئەم دوو ڕۆژەشدا ساز کراوە، داکۆکی کراوەتە سەر بابەتە ستراتژیکەکان و پتەو کردنی هاوکارییەکان.

ناوبراو بەبۆنەی هاوکاری ئێران و هەناردە کردنی کەلوپەلی پێویست بۆ ڕووبەڕووبوونەوە لە گەڵ کۆرۆنا ڕێزی لەم وڵاتە گرت و وتیشی: لە ڕۆژانی ئەربەعینیش ئێمە بینەری پێشوازی عێراق لە خەڵکی ئێران بووین و ئەمەش نیشاندەری گرینگ بوونی ئەم وڵاتە بۆ ئێمەیە.

News Code 33392

نیشانەکان

بۆچوونی ئێوە

You are replying to: .
  • captcha