ژمارەی تووشبووان بە کۆرۆنا لە مەهاباد و بۆکان بەرز بووەوە

سەرۆکی زانکۆی زانستە پزیشکییەکانی ئازەربایجانی ڕۆژاوا لە تووش بوونی ١٥ حاڵەتی نوێی نەخۆشی کۆرۆنا لە بۆکان و مەهاباد لە شەو و ڕۆژی ڕابردوو هەواڵی دا.

بە ڕاپۆرتی ئاژانسی هەواڵی مێهر، دکتۆر جەواد ئاقازادە سەربارەت بە دوایین ئاماری تووشبووان بە ڤایرۆسی کۆرۆنا لە پارێزگا ڕایگەیاند: لە ١١٥ نموونە گومانلێکراوەکە کە ڕۆژی ٣١ ی خاکەلێوە تاقی کردنەوەیان لە سەر کرابوو، ٣٩ حاڵەت ئەرێنی ڕاگەیێندرا کە بە گشتی ژمارەی تووشبووان لە پارێزگا بۆ ١٩٤٣ کەس بەرز بووەوە.

ناوبراو لە درێژەدا وتی: ژمارەی تووشبووانی نوێ بە نەخۆشی کۆرۆنا لە پارێزگا، لە ورمێ بە ١١ کەسەوە لە پێشەوە بوو و پاش ئەوە، بۆکان بە ٨ حاڵەت و مەهاباد بە ٧ حاڵەتی نوێ لە پلەکانی تر وەستاون کە بەم حەسێبە بە گشتی لە بۆکان ١٦٥ حاڵەت و لە مەهاباد ١١٨ حاڵەتی نەخۆشی بە کۆرۆنا تۆمار کراوە.

سەرۆکی زانکۆی پزیشکی پارێزگا راشیگەیاند: ژمارەی قوربانیانی ئەو نەخۆشییە بۆ ١٤٦ کەس لە پارێزگا بەرز بووەتەوە و ١٢٥١ کەسیش لە نەخۆشییەکە ڕزگاری بووە.

شیاوی باسە، مەهاباد، بۆکان، ورمێ، خۆی، میاندۆئاو لە ئازەربایجانی ڕۆژاوا دۆخی سووریان هەیە.

News Code 32073

نیشانەکان

بۆچوونی ئێوە

You are replying to: .
  • 7 + 5 =