بە ڕاپۆرتی ئاژانسی هەواڵی مێهر، بەشیر حەداد جێگری دووهەمی پەرلەمانی عێراق ئەوڕۆ (یەکشەممە) لە وتووێژ لە گەڵ هەواڵدەریی فەرمی ئەو وڵاتە (واع)، سەبارەت بە ئامانجەکانی سەفەری وەفدی دەوڵەتی هەرێمی کوردستان بۆ شاری بەغدا، ڕایگەیاند: ئەو سەفەرە لە چوارچێوەی ڕاگۆڕینەوە و بەرزکردنەوەی هاوئاهەنگی نێوان ناوەند و هەرێم بە تایبەت لە بوارەکانی دارایی و وزە و هەندێک لایەنی ئابووریی هاوپەیوەندی نێوان هەولێر و بەغدا ئەنجام دراوە.
حەداد کە هاوکات ئەندامێکی باڵای پارتی دیموکراتی کوردستانە، ڕاشیگەیاند: دابەزینی نرخی نەوت و پەرەسەندنی ئیپیدیمیی کۆرۆنا، هەموو لایەنەکان و هەرێمی ناچار لە گفتوگۆ و هاوئاهەنگی بۆ دەرچوون لەو قەیرانە کردووە.
ناوبراو وێرای ئاماژە بە ئەنجامی دیدارەکان لە گەڵ مستەفا کازمی سەرۆک وەزیرانی ڕاسپاردەی عێراق، عادل عەبدولمەهدی سەرۆک وەزیرانی ئیدارەی وڵات و هەندێک وەزیری کابینەکەی، وتیشی: بی گومان هەرێم لەوە ئاگادارە کە هەر جۆرە کاریگەرییەکی ئابووری لە عێراق، کاریگەری لە سەر ئابووریی هەرێمیش دەبێت.
Your Comment