ناکرێت لە بەرامبەر سوپای سووریا بێدەنگ بین

سەرۆک کۆماری تورکیا لە کاتێکدا وڵاتەکەی بە پێشێل کردنی جارنامەی نەتەوە یەکگرتووەکان دەستدرێژیی کردۆتە سەر سووریا، هەڕەشەی کرد: ناکرێ لە بەرامبەر سوپای سووریادا بێدەنگ بین.

بە ڕاپۆرتی ئاژانسی هەواڵی مێهر بە گێڕانەوە لە ئانادۆلو، ڕەجەب تەیب ئەردۆغان سەرۆک کۆماری تورکیا ئەوڕۆ (شەممە)، لە کاتێکدا وڵاتەکەی بە پێشێل کردنی جارنامەی نەتەوە یەکگرتووەکان دەستدرێژیی کردۆتە سەر سووریا، لە پاگەندەیەکی سەرسوورهێنەر وتی: شایەدی هەوڵی دیمەشق بۆ گەمارۆی بازگەی چاوەدێریی وڵاتەکەمان لە ئەدلەبین

سەرۆک کۆماری تورکیا بە بێ بەهادان بە مافی بەرگری ڕەوای سوپای سووریا بۆ پاراستنی خاکی وڵاتەکەی، هەڕەشەی کرد: ناکرێ بێدەنگ بین و هەنگاوی پێویست لەوبارەیەوە هەڵدەگرین.

ناوبراو لە درێژەدا سەبارەت بە هەڵوێستی وڵاتەکەی لە لیبیاشدا ئیدعای کرد: پابەندی هەموو بەڵێنەکانمان لە چوارچێوەی ڕاهێنەری و ئەمنی لە گەڵ سەراج (سەرۆکی ئەنجومەنی سەرۆکایەتی دەوڵەتی یەکڕیزی نیشتمانی لیبیا)ین.

News Code 31029

نیشانەکان

بۆچوونی ئێوە

You are replying to: .
  • captcha