ڕۆمانی "هیچ دۆستێک جگە لە چیاکان" بە فارسی بڵاوکرایەوە

دەقی فارسیی ڕۆمانی "هیچ دۆستێک جگە لە چیاکان" لە نووسینی بێهرووز بۆچانی، نووسەر و رۆژنامەنووسی کوردی نیشتەجێی نیوزیلەند لە لایەن پەخشانگەی چشمەی تاران، بڵاوکرایەوە.

بە ڕاپۆرتی ئاژانسی هەواڵی مێهر، دەقی فارسیی ڕۆمانی "هیچ دۆستێک جگە لە چیاکان" لە نووسینی بێهرووز بۆچانی، نووسەر و رۆژنامەنووسی کوردی نیشتەجێی نیوزیلەند لە دووتۆی ٢٤٥ لاپەڕە ئەوڕۆ (شەممە) لە لایەن پەخشانگەی چشمەی تاران، بڵاوکرایەوە.

"هیچ دۆستێک جگە لە چیاکان" چیرۆکی سەفەری خودی نووسەرە بۆ ئۆسترالیا و دەستگیرکرانی لە بازگەی پەنابەرانی ئۆسترالیا لە دوورگەی مانووسدا و خۆبواردنی دەوڵەتی ئەو وڵاتە لە پێدانی مۆڵەتی چوون بۆ خاکی ئۆسترالیایە. ئەو چیرۆکە لە وات‌ساپدا نووسراوە و پاشان لە لایەن "ئومێد تەوفیقیان" و "موونس مەنسووبی"یەوە کراوەتە ئینگلیزی و لەم دواییەشدا لە لایەن دوکتۆر هاشم ئەحمەد زادە بە کوردی وەرگێڕدرا و لە لایەن دەزگاى غەزەلنووس لە شاری سلێمانی و خانەى کتێبی ئەرزان لە وڵاتى سوید چاپ و بڵاوبۆتەوە.

لە پشت بەرگی ئەم کتێبەدا هاتووە: " بۆچانی یادەوریی دۆزەخی پێیە ... و جیهان دوای نووسرانی ئەو کتێبە و لە رێگەی ئەدەبیاتەوە زانی چی بە سەر هاتووە ... کتێبێک کە لە بەردەستی ئێوەیە گێڕانەوەیەکە لە کەسێک کە چەندین جار مەرگی ئەزموون کردووە و ئێستا بە هێزی ئەدەبیات، ئازادییەکەی مسۆگەر کردووە ... ئەم ڕۆمانە ئەزموونێکی ڕاچڵەکێنەرە کە ڕەنگە لە سنووری باریکی نێوان ڕۆمان و ئەدەبی ناچیرکیدا تێدەپەڕێ و لە ئۆدیسەئاسا چیرۆکی سەفەرێک دەگێڕێتەوە بۆ ناو دۆزەخ"

بووچانی پاش مسۆگەر کردنی چەندین خەڵاتی گرینگ بۆ نووسینی کتێبی "هیچ دۆستێک جگە لە چیاکان" و لەوان "ڤیکتۆریەن پریمییەر" (وەک گرینگترین خەڵاتی ئەدەبی ئۆسترالیا)، نیۆسات ڤیلز پریمییەر، خەڵاتی کتێبی دایکۆمێنتی ساڵی ئۆسترالیا و هەروەها لەم دواییەشدا خەڵاتی بایۆگرافی ناوی کەوتە سەر زاران و بەو بۆنەوە ماوەیەک لەوە پێشیش لە لایەن زانکۆی بیرکبِکێی لەندەن بۆ وانەوتنەوە بانگهێشت کرا.

ڕیچارد فلانگان نووسەری ناسراوەی ئۆسترالیایی و بڕاوەی خەڵاتی مەن بۆکێر لەبارەی ئەو ڕۆمانە دەنووسێ" ئەو ڕۆمانە زیاتر لە "من ناڕەزایەتی دەردەبڕم"ێکی سەڵەتە" و ریچارد کۆکی ڕەخنەگری ناسراوەی ئەدەبی‌یش لەبارەیەوە دەڵێ: "ئەو کتێبە یەگجار نائاساییە، وەرگێڕە ئینگلیزییەکەی بە بەرهەمێکی "بێ ژانر" ناوی لێ دەبەن و نووسەرەکەی پێی وایە جۆرێک" سوورڕیالیزمی تۆقاو"ـه".

شایانی باسە پێشتر وەرگێڕاوی کوردیی ڕۆمانی "هیچ دۆستێک جگە لە چیاکان" لە لایەن دوکتۆر هاشم ئەحمەد زادە لە ناوەندی غەزولنووسی سلێمانی چاپ و بڵاو کراوەتەوە.

News Code 31024

نیشانەکان

بۆچوونی ئێوە

You are replying to: .
  • 6 + 9 =