مەسعود بارزانی نامەیەکی بۆ ئایەتوڵڵا سیستانی نارد

سەرۆكی پارتی دیموكراتی كوردستان هەواڵی تەندروستی عەلی سیستانی گەورە مەرجەعی شیعەكانی عێراقی پرسی.

بە ڕاپۆرتی ئاژانسی هەواڵی مێهر، لە راگەیەندراوێكدا بارەگای بارزانی رایگەیاندووە، لەدوای بڵاوبوونەوەی هەواڵی نەخۆشیی مەرجەعی گەورەی شیعەكان ئایەتوڵڵا عوزما سەماحەتی سەید سیستانی، مەسعود بارزانی پەیامێكی بۆ خانەوادەی سەماحەتی سەید سیستانی و مەقاماتی مەرجەعییەت نارد. 
هەر بە گوێرەی راگەیەندراوەكە،"لەو پەیامەدا بارزانی هەواڵی تەندروستی سەماحەتی سەید سیستانی پرسی و لە خودای مەزن هیوای شیفا و چاكبوونەوەی خێرای سەماحەتی سەید سیستانی خواست."
نووسینگه‌ی عه‌لی سیستانی مه‌رجه‌عی باڵای شیعه‌كانی عێراق ئاشکرای کرد،  شه‌وی چوارشەممەی حەوتەی ڕباردوو، عه‌لی سیستانی له‌كاتی رێكردندا به‌ربووه‌ته‌وه‌ و قاچی وه‌رگه‌ڕاوه‌، به‌وهۆیه‌شه‌وه‌ قاچی چه‌پی شكاوه‌.
له‌ئێستاشدا نه‌شته‌رگه‌ری بۆ قاچی ئه‌نجامدراوه‌ و نه‌شته‌رگه‌رییه‌كه‌ی سه‌ركه‌وتوو بووه‌، باری ته‌ندروستی جێگیره‌.
عه‌لی سیستانی  مه‌رجه‌عی باڵای شیعه‌كانی عێراق له‌ساڵی ۱۹۳۰ له‌شاری مه‌شهه‌دی ئێران لە دایكبووه ‌و له‌ئێستاشدا لەشاری نەجەف دادەنیشێت.

News Code 30571

نیشانەکان

بۆچوونی ئێوە

You are replying to: .
  • 7 + 0 =