شانۆی کوردی بایەخەکانی وەکوو ئاشتی و مرۆڤایەتی پەرە پێدەدات

سەید عەباس ساڵحی وەزیری فەرهەنگ و ئیرشادی ئیسلامی پەیامێکی ئاراستەی شانزدەیەمین فێستیڤاڵی شانۆی کوردی سەقز کردووە.

بە ڕاپۆرتی ئاژانسی هەواڵی مێهر، وەزیری فەرهەنگ و ئیرشادی ئیسلامی لە پەیامێکدا بۆ شانزدەیەمین فێستیڤاڵی شانۆی کوردی سەقز، وتی: شانۆی کوردی بە بەکارهێنانی نمانە و نیشانەکانی ئێتنیکی و ئایینی ناوچە کوردنشینەکان دەتوانێت ڕێگایەک بێت بۆ پەرەپێدانی شێوە ژیانێک لە سەر بنەمای ئەخڵاقی کۆمەڵگا.

لە پەیامەکەدا هێناویە: چییەتی هونەر لە درێژایی مێژوو، بووەتە هۆی ئاگادار کردنەوەی کۆمەڵگا و خەڵک و هونەری شانۆ بە پێکهاتەیەکی زیندوو لە هونەرەکان لەوانە وێژە، مۆسیقا، نەژیارڤانی، وێنەکێشی و ... ڕۆڵێکی کاریگەری لە بەرانبەر کێشە و پرسەکانی کۆمەڵگا هەیە.

زمانی هونەر کە لە گەڵ ڕەچەڵەکی خۆی پێوەندی هەبێت باشترین زمان بۆ پەرەپێدانی بایەخەکانی مرۆڤە و نیشتمانی هونەر و فەرهەنگی کوردستان لە ڕیزی ڕیشە فەرهەنگییەکانی ئێرانە و لە مێژە لانکەی ناوداران و کەڵە پیاوان بووە.

شانۆی کورد بە بەکارهێنانی نمانە و نیشانە ئێتنیکی و ئایینیەکانی ناوچە کوردنشینەکان دەتوانێت دەرگایەک بێت بۆ پەرەپێدانی شێوەی ژیانێک کە لە سەر بنەمای بایەخە ئەخلاقییەکانی کۆمەلگا بێت، بایەخگەلێک وەکوو ئاشتی، مرۆڤایەتی، ئەخلاق و مەعنەویەت کە وێژەی دەوڵەمەندی کۆنترین قەومی ئێرانی بەردەوام لە سەر جەختی کردووە.

ئێستا کە بە هەوڵی خێڵی فەرهەنگ و هونەری کوردستان بە تایبەتی بنەماڵەی گەورەی شانۆ لە کوردستان و شاری سەقز، شانزدەیەمین خولی فێستیڤاڵی شانۆی کوردی بەڕێوە دەچێت، هیوادارین لە ئەو هونەرە گرینگەدا ئەو کەسانەی کە بەستێنیان هەیە بناسرێنەوە تا بە زمانی پڕ لە شانازی هونەر بێژەری کێشە و ڕاستییەکانی ئەو کۆمەڵگا پڕ بایەخە بن.

News Code 29798

نیشانەکان

بۆچوونی ئێوە

You are replying to: .
  • 7 + 0 =