دوایین زانیاری لە ناڕەزایەتی خەڵک بە گران بوونی بەنزین لە ئێران

دوای ئەوەی دەوڵەت بە یەکجاری نرخی بەنزینی لە ئێران گران کرد ژمارەیەک لە خەڵکی وڵات ناڕەزایەتیان بەم بڕیارە دەربڕی.

بە ڕاپۆرتی ئاژانسی هەواڵی مێهر، بەیانی ڕۆژی شەمە ۲۵ی خەزەڵوەر، لە هەندێ شاری ئێران لەوانە، تاران، کرماشان، کوردستان، خوڕەم ئاباد ، ئەهواز، شیراز ، یەزد، مەشهەد، ئەسفەهان ، کەرەج و تەورێز، ژمارەیەک لە خەڵک وەک ناڕەزایەتی دەربڕین بە گرانی بەنزین لە ناو شارەکان گرد بووونەوە.
ئەم ناڕەزایەتیانە بە داخرانی شەقامەکان و داخرانی ڕێگاکان بەڕێوەچوو. بە تاریک بوونی هەوا ناڕەزایەتییەکان بووە بشێوی و خەسار گەیاندن بە بینا گشتییەکان و ئاگرداننی بانک و پاسی گشتی و پێکادان لە نێوان تێکدەرانی ئاسایشی شار و پۆلیس هاتە ئاراوە.  
 تا ئیستا جگە لە کوژراوێک لە شاری سیرجانی کرمان سەرچاوە فەرمیەکان لە ئێران هیچ هەواڵێکیان سەبارەت بە کوژران و بریندار بوونی کەس پشت ڕاست نەکردووەتەوە. 
هەندێ لە مەرجەعە باڵاکانی شیعە لە ئێران ڕەخنەیان لە کات و شێوەی ڕاگریاندنی گرانی بەنزین گرت و داوایان لە دەوڵەت کردووە گوێ بۆ ڕای کارناسانی ئابووری وڵات بگرێت  بەڵکوو کەموکۆڕی ئەم گەڵاڵە چاک بکرێتەوە و کێشە بۆ ژیانی خەڵک دروست نەکات.
ئەمڕۆ یەکشەمە ئایەتوڵڵا خامنەیی ڕێبەری باڵای ئێرانیش لە لێدوانێکدا وتی: دەبێ بەرپرسان ئاگادار بن گرانی بەنزین کاریگەریی لە سەر شت و مەکی دیکەی پێویستیی خەڵک نەبێت.
داواشی لە خەڵک کرد خۆیان دوور بگرن لەو کەسانەی کە بۆ تێکدان و ئاژاوەگێڕی دێنە سەر شەقام و ڕێگەنادەن خەڵک خواستی ڕەوای خۆیان رابگەیێنن.   

ئێستای دۆخی هەموو شارەکانی ئێران ئارامە و مەجلیس بۆ لێکدانەوەی گەڵاڵەی بەنزین کۆبووەتەوە.

پێشتر حەسەن ڕۆحانی سەرۆک کۆماری ئێران رایگەیاندبوو کە داهاتی گەڵاڵەی بەرز کردنەوەی نرخی بەنزین بۆ دەوڵەت نییە و هەموو دەدرێت بە خەڵکی هەژار و بێبەشی وڵات.

News Code 29383

نیشانەکان

بۆچوونی ئێوە

You are replying to: .
  • 1 + 9 =