ڕێبەری باڵای ئێران: لە زۆر بواردا تەنگمان بە ئەمریکا هەڵچنیوە

ڕێبەری باڵای ئێران وتیان: لە زۆر بواردا تەنگمان بە ئەمریکا هەڵچنیوە بەڵام گرینگترین وڵامی کۆماری ئیسلامی بە پیلانەکانی ئەمریکا، ئەوە بووە کە ڕێگەی نەدا دووبارە ڕەخنەی سیاسی بکاتەوە.

 بە ڕاپۆرتی ئاژانسی هەواڵی مێهر، بە بۆنەی ڕۆژی ۱۳ی گەڵارێزان، ساڵڕۆژی کۆنترۆڵ کردنی هێلانەی سیخوڕی ئەمریکا لە ئێران، ژمارەیەکی زۆر لە قوتابیان و خوێندکارانی ئێران چاویان بە ڕێبەری باڵای شۆڕش، کەوت.

 ڕێبەری لەو دیدارەدا لە سەر هەندێ تەوەر قسەیان کردووە کە لە ژێرەوە بڵاو دەبێتەوە:

 ئەمریکا لە گەڵاڕێزانی ساڵی ۱۳۴۳ کە ڕژێمی دەستوپەیوەندی ئەوان ئیمام خومەینی دوور خستەوە تا ئەمڕۆ کە ساڵی ۱۳۹۸ی هەتاوییە، هیچ نەگوڕاوە؛ ئەمریکا هەمان ئەمریکایە؛ هەمان گورگ سیفەتی دیکتاتۆری نێودەوڵەتی  ، هەمان خۆبەزل زانی و دزێوی ئێستاش هەر لە ئەمریکا هەیە.

ئەمڕۆ ئەمریکا لە ۴۳ ساڵ لەمەوپێش لاوازترە بەڵام هاوکات دڕندەتر و بێ ئابڕووترە.

ئەمریکا هەمیشە لە گەڵ گەلی ئێران دوژمن ووە، تەنانەت لە ڕژێمی تاغووتی پێش شۆڕشی ئیسلامیشدا.

دوای شۆڕشیش تا ئەمڕۆ کە هەموو گەمارۆ و هەڕەشەکان و کێشە دروست کردن بۆ ئێران بووە.

 هەندێ کەس مێژوویان شێواندووە و دەڵێن دەستپێکی ناکۆکیەکان لە داگیر کردنی هێلانەی سیخوڕیەوە بووە. ناکۆکی نێوان گەلی ئێران و دەوڵەتی ئەمریکا لە ۲۸ی گەلاوێژەوە بووە کە ئەوان گەلی ئیرانیان گیرۆدەی ڕژیمی گەندەڵی بەندیوار کرد.

شۆڕشی ئیسلامی لە بنەڕەتدا دژی ئەمریکا بووە و دروشمەکانی خەڵک دژی ئەمریکایی بوون.

 ئەمریکا ۴۱ ساڵە هەرچی دەزانی بۆ دوژمنی دژی گەلی ئێران کردوویەتی ؛ کوودەتا، هاندان و دابەشکاری و گەمارۆ و ئابلۆدان و.....

هەڵبەت ئێمەش بێکار نەبووین و لە زۆر بواردا تەنگمان بە ئەمریکاییەکان هەڵچنیوە؛ بەڵام گرینگترین وڵامی کۆماری ئیسلامی ئێران لە بەرانبەر پیلانەکانی ئەمریکا ئەوە بووە کە ڕێگای ڕخنەکردنی دووبارەی سیاسی ئەمریکای بە وڵات داخستووە.

News Code 29160

نیشانەکان

بۆچوونی ئێوە

You are replying to: .
  • 5 + 13 =