"موناجات" دووهەمین بەرهەمی شێعری جەمیل مورادی بڵاوکرایەوە

دووهەمین کۆمەڵە شێعری کوردی "جەمیل مورادی" لە ژێر ناوی "موناجات" هاوکات لە گەڵ نۆهەمین پیشانگای کتێبی پارێزگای کوردستان لە لایەن ناوەندی "گوتار" چاپ و بڵاو کرایەوە.

بە ڕاپۆرتی ئاژانسی هەواڵی مێهر، کۆمەڵە شێعری موناجات پێکهاتووە لە دە شێعری بڵیند و کورت کە ناوی کۆمەڵەکە لە شێعرێک بە هەمان نێو لەو کتێبەدا وەرگیراوە و بە وتەی شاعیرەکەی هەوڵ دراوە، چەمک و هێما ئایینییەکان لە داڕشتەیەکی پێکهاتەشکێنانە و لە فۆڕمێکی نوێێ زمانی ئاراستە بکرێت.

ئەم کتێبە لە دووتۆی ٨٢ لاپەڕە و لە ئەژماری هەزار بەرگ لە قەوارەی ڕۆقعی و بە دیزانی ڕووبەرگ لە لایەن ئەحمەد غوڵامی، هاوکات لە گەڵ نۆهەمین پیشانگای کتێبی پارێزگای کوردستان لە لایەن ناوەندی "گوتار" چاپ و بڵاو کرایەوە.

موناجات کە پاش چوار ساڵ مۆڵەتی جاپی وەرگرتووە، دووهەمەین بەرهەمی شێعری "جەمیل مورادی"یە و پێشتر لەو شاعێرە کۆمەڵە شێعرێکی دیکە بە ناوی "خەونباز" بڵاو بۆتەوە.

News Code 28854

نیشانەکان

بۆچوونی ئێوە

You are replying to: .
  • 1 + 8 =