ئێران وەڵامی توند بە هەر جۆرە دژایەتی و دەستدرێژییەکی شیمانەیی دەداتەوە

سکرتێری ئەنجومەنی باڵای ئاسایشی نیشتمانی وتی: بەوپەڕی ئامادەییەوە وەڵامێکی لێبڕاوانە بە ھەر چەشنە نیاز و هەڵمەتێک بۆ بەزاندنی سنووری وڵات و یان بەرژەوەندییەکانی کۆماری ئیسلامی ئێران دەدەینەوە.

بە ڕاپۆرتی ئاژانسی هەواڵی مێهر، ئەمیر دەریاوان عەلی شەمخانی سکرتێری ئەنجومەنی باڵای ئاسایشی نیشتمانی وێرای ئاماژە بەوەی کە "قەیرانی یەمەن ھیچ ڕێگاچارەیەکی سەربازیی بۆ نییە"، وتی: کۆتایی ھێنان بە سەرچاوەکانی قەیرانی ئێستا، پێویستی بە ئیرادەیەکی ناوچەیی و نێودەوڵەتییە و ئێران گەلێک جار لە پێناو کەمکردنەوەی ئاڵۆزییەکان و کۆتایی ھێنان بە شەڕ و خوێن ڕشتن لە یەمەن، لە گەڵ لایەنە جۆراوجۆرەکان و بە تایبەت چوار وڵاتی ئەورووپی دانوستان و ھاوکاریی کردووە.

شەمخانی بە ئاماژە بەوەی کە بەرگریی ھەمەلایەنە خەڵکی یەمەن هەمبەر بە دەستدرێژیی بیانییەکان، مافی ئاسایی و ڕەواوی خۆیانە، وتیشی: چەک و چۆڵی سوپای یەمەن لە لایەن خۆیانەوە دروست کراوە و داڕێژراوە و پەیوەندی دانی بە وڵاتانی دیکە خۆدزینەوە لە وەڵامدانەوەی چیەتی و هۆکاری سەرچاوەکانی کڕینی چەک و جیهازاتی پێشکەوتە لە وڵاتانی رۆژئاواییە.

وی در پایان خاطرنشان کرد: سیاسەتی ستراتژیکی ئێران کەمکردنەوەی ناکۆکی و خۆبواردن لە شەڕ و پێکدادان و هەوڵ بۆ چارەسەریی قەیرانەکانی ناوچە لە رێگەی گفتوگۆیە. هەر بۆیە بەوپەڕی ئامادەییەوە وەڵامێکی لێبڕاوانە بە ھەر چەشنە نیاز و هەڵمەتێک بۆ بەزاندنی سنووری وڵات و یان بەرژەوەندییەکانی کۆماری ئیسلامی ئێران دەدەینەوە.

News Code 28413

نیشانەکان

بۆچوونی ئێوە

You are replying to: .
  • 1 + 5 =