شەوی بیرەوەری "مامۆستا شێخولئیسلام" لە سنە بەڕێوە دەچێت

شەوی بیرەوەری شەهید حاج مامۆستا محەمەد شێخولئیسلام لە مامۆستایانی گەورەی سوننەی کوردستان لە لایەن حەوزەی هونەری کوردستانەوە لە شاری سنە بەڕێوە دەچیت.

بە ڕاپۆرتی ئاژانسی هەواڵی مێهر، ئەمین موردای سەرۆکی حەوزەی هونەری پاریزگای کوردستان وێرای ڕاگەیاندنی ئەو هەواڵە وتی: ڕێوڕەسمی شەویادی شەهید حاج مامۆستا محەمەد شێخولئیسلام هاوکات لە گەڵ دەیەمین ساڵوەگەری شەهید بوونی، سێ شەممەی ئەم حەوتەیە (٢٦ی خەرمانان) لە پەردیسی سینەما بەهمەنی شاری سنە بەڕێوە دەچێت.

مورادی وتیشی: لەو شەویادەدا ژمارێک لە کەسایەتیگەلی نیشتمانی و پارێزگایی و هاوڕێیان و قوتابیانی ئەو شەهیدە بەرزە، سەبارەت بە کەسایەتی و تایبەتمەندییەکانی حاج مامۆستا شێخولئیسلام دەدوێن.

سەرۆکی حەوزەی هونەری کوردستان وێرای بیرهێنانەوەی داکۆکیی رێبەری باڵا لە کەسایەتیی شەهید مامۆستا شێخولئیسلام چ لە کاتی زیندووبوون و چ لە دوای شەهید بوونی، ڕایگەیاند: مامۆستا لە بانگەشەکاران و پەرەدەران بە نزیکایەتیی مەزهەبەکان بووە و هەوڵ دەدرێت ئەو شەویادە دەرفەتێک بێت بۆ ئاشنا بوونی گەنجان بە ئەندێشە و هزری و ژیانی تایبەتی ئەو شەهیدە مەزنە.

مورادی ڕاشیگەیاند: بڕیارە لە پێناو پەرەدان بە فەرهەنگی خۆبەخشی و شەهادەت، نمانەسازی بۆ بەرەی گەنج و ناساندنی کەسایەتییە بەرزەکانی ئایینی، زانستی، فەرهەنگی و شۆڕشیی جیهانی ئیسلام یەکەمین کۆڕبەندی بەرزڕاگرتنی یادی حاجی مامۆستا شێخولئیسلامی کوردستان، کۆڕبەندێکی تایبەتی لە ٢٠ی خەزەڵوەری ئەمساڵی هەتاوی لە هۆڵی نووری ئیدارەی گشتیی تەبلیغاتی ئیسلامی کوردستان بەڕێوە بچێت و بۆ ئەو مەبەستە بانگەوازی تایبەتی بڵاو کراوەتەوە.

News Code 28353

نیشانەکان

بۆچوونی ئێوە

You are replying to: .
  • 4 + 6 =