پەیوەندی لەگەڵ ١٠٠ وڵات بۆ بەشداری لە مێهرەجانی شانۆی سەرشەقامی مەریوان

ستافی بەڕێوەبەری چواردەهەمین مێهرەجانی نێونەتەوەیی شانۆی سەرشەقامی مەریوان لە دیداری وەزیری فەرهەنگ و ئیرشادی ئیسلامی وێرای داخوازی بۆ پاڵپشتی ماڵی و مەعنەوی لەو مێهرەجانە، ڕایانگەیاند کە بۆ بەشداری لە مێهرەجان پەیوەندیان بە ١٠٠ وڵاتەوە گرتووە.

بە ڕاپۆرتی ئاژانسی هەواڵی مێهر، سەید عەباس ساڵحی وەزیری فەرهەنگ و ئیرشادی ئیسلامی لەو دیدارەدا وێرای نرخاندنی گەشە و پێشکەوتنی مێهرەجانی نێونەتەوەیی شانۆی سەرشەقامی مەریوان لە ماوەی خولەکانی ڕابردووی، جەختی کرد: پەرەسەندنی ڕەهەندە ناوخۆیی و جیهانییەکانی ئەو ڕووداوە فەرهەنگییە دەبێتە هۆی بەرزبوونەوەی بەرپرسایەتیمان هەمبەر بەو کارە.

ساڵحی ئاماژەی بەوەش دا: ئایدیای تازە و خۆبواردن لە دووپاتەکاری دەتوانێ ببێتە مایەی بەرزبوونەوەی پێگەی مێهرەجان.

هەروەها لەو دیدارەدا بەڕێوەبەری گشتیی ئیدارەی فەرهەنگ و ئیرشادی ئیسلامی پارێزگای کوردستان لە ڕاپۆرتێک سەبارەت بە مێژووی مێهرەجانی شانۆی سەرشەقامی مەریوان و چالاکییە ئەنجام دراوەکان، بیری هێنایەوە: مێهرەجانی شانۆی سەرشەقامی مەریوان لە گوندەکاندا و بۆ سارێژکردنەوەی زامی خەڵکی ناوچە لە پاش شەڕیب داسەپاوە بیچمی گرت و پاشان بۆ شارەکانی دیکەی پارێزگا پەرەی سەند.

جەلال قەڵعەشاخانی مێهرەجانی شانۆی سەرشەقامی مەریوانی بە دایکی مێهرەجانە هاوشێوەکانی لە وڵاتدا زانی و ڕایگەیاند: هاوڕێی ڕێکخراوی میراتی فەرهەنگی لە گەڵ ئەم خولەی مێهرەجان و پەیوەست بوونی پرسی "گەشتیاری" بەم ڕووداوە، یەکێکە لە بەرچاوترین هەنگاوە نوێیەکانی چواردەهەمین خولی مێهرەجانی شانۆی سەرشەقامی مەریوان.

لە درێژەدا بەڕێوەبەری ئیدارەی گشتیی هونەرە شانۆییەکانی وڵات ئاماژەی بە پێگەی باڵای مێهرەجانی شانۆی سەرشەقامی مەریوان لە ئاستی جیهانی و تۆمارکرانی لە "ئای تی ئای" جیهانی لە ساڵی ١٣٩٣ی هەتاوییەوە کرد و ڕوونی کردەوە" ئەوساڵ لە بەشی نێونەتەوەیی مێهرەجاندا هەنگاوی بەرزتر هەڵگیراوە.

شارام کەرەمی هەروەها داوای لە وەزیری فەرهەنگ و ئیرشادی ئیسلامی کرد کە فەرمانێکی تایبەتی بۆ تەرخان دانی بوودجەی تایبەتی بۆ مێهرەجانەکانی شانۆی ئایینی و نەریتی لە گەڵ مێهرەجانی شانۆی سەرشەقامی مەریوان کە بڕیارە بە شێوەی هاوکات بەڕێوە بچن، دەربکەن و لە ڕێوڕەسمی کۆتایی مێهرەجانی مەریواندا بەشدار بن.

لە درێژەی ئەو دیدارەدا فاتح باد پەروا بەڕێوەبەری مێهرەجان بە ئاماژە بە پێگەی مێهرەجانی شانۆی سەرشەقام وەک برێندێکی جیهانی، لە پەیوەندی گرتن بە ١٠٠ وڵات بۆ بەشذاربوون لەو ڕووداوە فەرهەنگییە هەواڵی دا و وتی: ئەوساڵ زیاتر لە ١٠٠ بەرهەم خوازیاری بەشداری لەو مێهرەجانە بوونە و ئێمە بەرهەمگەلێکمان هەڵبژاردووە کە هاوئاستی پرێنسیپ و تایبەتمەندییە فەرهەنگییەکانمان بێت.

شایانی باسە لەو دیدارەدا مەنسوور مورادی نوێنەری شارەکانی مەریوان لە مەجلیسی شۆڕای ئیسلامی و عەلی ئەسغەر کارئەندیش جێگری کاروباری مەجلیس بەشدار بوون و لە لای خۆیانەوە بە ئاماژە بە بەڕێوەچوونی مێهرەجانی شانۆی سەرشەقامی مەریوان لە خاڵی سیفری سنووری وەک هێمایەک بۆ ئاسایشی ناوچەیی، خوازیاری پاڵپشتیی ماڵی و مەعنەویی وەزارەتی ئیرشاد لەو ڕووداوە فەرهەنگییە بوون.

چواردەهەمین خولی مێهرەجانی نێونەتەوەیی شانۆی سەرشەقامی مەریوان بڕیارە لە رۆژانی ١ تا ٥ی مانگی خەرمانانی ئەوساڵی هەتاوی لە شاری مەریوان بەڕێوە بچێت.

News Code 27571

نیشانەکان

بۆچوونی ئێوە

You are replying to: .
  • 1 + 1 =