ترسمان لە ئەمریکا نییە/ داخستنی فڕۆکە ئەمریکیەکە ڕۆحیەی گەلی ئێرانی بەهێز کردووە

سەرۆک کۆماری ئێران بە ئاماژە بەوەی کە فڕۆکە بێ فڕۆکەوانەکەی ئەمریکا بە مووشەکێکی تەواو ئێرانی کراوەتە ئامانج، جەختی کرد ئێمە ترسمان لە ئەمریکا نییە و داخستنی ئەو فڕۆکە ڕۆحیەی گەلی بەهێز کردووەتەوە.

بە ڕاپۆرتی ئاژانسی هەواڵی مێهر، بەیانی ئەمڕۆ سێ شەمە ۴ی پووشپەڕ حەسەن ڕۆحانی سەرۆک کۆماری ئێران لە دیدار لەگەڵ بەڕێوەبەرانی کەرتی تەندروستی وڵات، جەختی کرد: ئێمە بە هیچ لەونێک لە ئەمریکا ناترسین.

سەرۆک کۆماری ئێران لە لێدوانەکەیدا ڕیگەیاند کە ئەمریکا کەم ئەندامی هزریە و مێشکی کێشەی هەیە و نازانێت دەبێ چی بکات. ئەوان هەموو ڕۆژێ بەرەوڕووی کێشەیەک دەبنەوە و  پێیان وا نەبوو فڕۆکە بێ فڕۆکەوانەکەیان بپێکرێت. لەباری سەربازیەوە پێکانی ئەو فڕۆکە ئاسان نییە.

ڕۆحانی زیادی کرد: ئەگەر ئەو فڕۆکە بێ فڕۆکەوانەمان بە ئێس ۳۰۰ دەپێکا کارێکی گەورە نەبوو بەڵام ئەم فڕۆکە بە مووشەک و ڕادارێکی ئێرانی تێکشکاوە. ئەمە کارێکی زۆر گەورە بوو. ئێمە دەستی ئەوانەی لە وەزارەتی بەرگری و سوپای پاسداراندان و ئەم پیشە ناوخۆییەیان گەشە پێداوە، ماچ دەکەین.

وتیشی: ئێمە بە لێدانی ئەم فڕۆکە نامانەویست سووکایەتی بە ئەمریکا بکەین . ئێمە بە دوای سووکایەتی کردن بە کەس نین بەڵام ئەم کارە بووە هۆی بەهێزی ڕۆحیەی گەلی ئێران.

 ئەوەشی وت: ڕێبەری تەنیا هی ئێران نییە؛ ڕێژەیەکی زۆر لە خەڵک لوبنان، ئەفغانستان، عێراق و پاکستان پەیڕەوی ڕێبەری ئێرانن. کەسێکی گەمژە شێت بووە و ڕێبەری وڵاتێک گەمارۆ دەدات.یان دەڵێن ماڵ و سامانی ڕێبەری ئێران گەمارۆ دەدەین، ڕێبەری ئێران وەک ڕێبەری وڵاتانی دیکە نییە کە ماڵ و سامانی زۆری لە دەرەوەی وڵات ببێت. سامانی ڕێبەری ئێران ماڵیکی سادە و حسەینیەیەکە.

News Code 27102

نیشانەکان

بۆچوونی ئێوە

You are replying to: .
  • 5 + 4 =