پیلانێک هەیە بۆ تێکدانی ئاسایشی ناوچەکە/ئاگاداری سەرکێشی هێزە دەرەکییەکان بن

وەزارەتی دەرەوەی ئێران لەبارەی بوونی پیلانێکی دزێو بۆ تێکدانی ئاسایشی ناوچەی ڕۆژهەڵاتی ناڤین هۆشداریی دا.

بە ڕاپۆرتی ئاژانسی هەواڵی مێهر، عەباس موسەوی، وتەبێژی وەزارەتی دەرەوەی ئێران لە  کاردانەوە بە ڕووداوی هێرشی کەسانێکی نەناسراو  بۆ سەر کەشتییە نەوتییەکانی ئیمارات و عەرەبستان لە ئاوەکانی کەنداوی فارس راگەیەندراوێکی بڵاوکردەوە.

عەباس موسەوی، وتەبێژی وەزارەتی دەرەوەی ئێران لە راگەیەندراوێکدا وتوویەتی: "روداوی هێرشکردنە سەر کەشتیەکانی عەمان کاریگەری نەرێنی لەسەر ئارامی و ئاسایشی ڕێڕەوە ئاوییەکانی ناوچەکە دەبێت".

هۆشداریش دەدات لە هەر کردەیەوەک بۆ تێکدانی ئاسایش و سەقامگیری ناوچەکە.

موسەوی داوا لە وڵاتانی ناوچەکە دەکات کە  "ئاگاداربن لە هەر سەر کێشییەک لە لایەن هێزە دەرەکییەکانەوە ئەنجام بدرێت. "

جەختیش لەوە دەکات کە پلانێک هەیە بۆ تێکدانی ئاسایشی ناوچەکە و داوا دەکات کە بە رونی و ئاشکرایی لێکۆڵینەوەکان لەبارەی رووداوی هێرشکردنە سەر کەشتیەکانەوە بکرێت.

 شیاوی ئاماژەیە دوێنێ کەسانێکی نەناسراو ۴ کەشتی بازرگانی نەوت کێشی ئیمارات و سعوودیەیان کردە ئامانج.

News Code 26486

نیشانەکان

بۆچوونی ئێوە

You are replying to: .
  • 4 + 7 =