به ڕاپۆرتی ئاژانسی مێهر له سپۆنتیک، فرمانده‌ییه‌کی سوپای سووریا ڕایگه‌یاند که بڕێکی زۆر چه‌کی ئه‌مریکایی و ئیسڕائیلی له حه‌شارگه‌کانی تیرۆریسته‌کان له ناوچه‌ی یه‌لدا له نزیک دیمەشق ده‌ستی به‌سه‌ردا گیراوه.
ئه‌و زیادی کرد: له چوارچێوه‌ی پاک کردنه‌وه‌ی ئه‌م ناوچه‌یه له تیرۆریسته‌کان، بڕێکی زۆر چه‌ک له حه‌شارگه‌ی تیرۆریسته‌کان دۆزراوه‌ته‌وه و ده‌ستی به‌سه‌ردا گیراوه.
به پێی ئه‌م ڕاپۆرته، له نێو ئه‌م چه‌کانه ژماره‌یه‌ک بۆمب و مووشه‌کی ئیسڕائیلی و مووشه‌کی تاوی ئه‌مریکایی بوونی هه‌یه.
ئه‌مه یه‌که‌م جار نییه که له حه‌شارگه‌ی تیرۆریسته‌کان له سووریا چه‌ک و ته‌قه‌مه‌نی ئه‌مریکایی و ئیسڕائیلی ده‌دۆزرێته‌وه که نیشان ده‌دات زایۆنییه‌کان و ئه‌مریکا له تیرۆریسته‌کان پشتیوانی ده‌که‌ن.
Your Comment