کوردستان بووە پاڵەوانی دەستەی یەکی والیباڵی یانەکانی ئێران

یانەی والیباڵی ڕاهیاب ملەلی مەریوان لە یاری کۆتایی بە شکست دانی یانەی سپاهانی ئیسفەهان پاڵەوانێتی کێبڕکێیەکانی خولی دەستە یەکی والیباڵی ئێرانی بردەوە.

بە ڕاپۆرتی هەواڵنێری مێهر، کێبڕکێی کۆتایی خولی دەستە یەکی والیباڵی یانەکانی ئێران شەوی یەکشەممە له‌ یاریگای  ئازادی تاران لە نێوان دوو یانەی بەهێزی ڕاهیاب ملەلی مەریوان و سپاهانی ئیسفەهان بەڕێوە چوو.

لە ئەو دیدارە هەستیارەدا کە بە ئامادە بوونی زیاتر لە هەزار کەسی هاندەر بەڕێوە چوو، ڕاهیاب ملەل بە هێزی تەواو و لە سێ سێتی بەردەوام و بە ئاکامی ٢٥ بە ١٧، ٢٥ بە ١٦ و ٢٥ بە ١٨ یانەی سپاهانی شکست دا.

یانەی ڕاهیاب ملەل بە ئەو ئاکامە وێڕای مسۆگەر کردنی پلەی یەکەمی دەستە یەکی والیباڵی یانەکانی ئێران نوێنەری کوردستان لە خولی نایابی والیباڵ لە ساڵی داهاتوو دەبێت.

شیاوی باسە لە ئەو یارییە پارێزگاری کوردستان، نوێنەری خەڵکی مەریوان و سەوڵاوا و نوێنەری خەڵکی سەقز و بانە لە مەجلیس، بەرپرسی گشتی وەرزش و لاوانی کوردستان، بیژەن زوڵفەقار نەسەب، جەمشید خەیرئابادی ڕاهێنەری هەڵبژاردەی زۆرانی ئێران و کۆمەڵێک لە بەرپرسانی پارێزگای کوردستان لە هۆڵی ١٢ هەزار کەسی ئازادی ئاماده‌بوون بۆ هاندانی ڕاهیاب.

News Code 25484

نیشانەکان

بۆچوونی ئێوە

You are replying to: .
  • 2 + 16 =