بە ڕاپۆرتی ئاژانسی هەواڵی مێهر لە پێوەندییە گشتییەکانی حەوزەی هونەری کوردستان، ئەمین مورادی وتی: فیلمی زەبح بە نووسەری و دەرهێنەری هاوبەشی سامان حسەین پوور و ئاکۆ زەندکەریمی دوو خەڵاتی سەرەکی چوارەمین فێستیڤاڵی نێودەوڵەتی کورتە فیلمی پەرواز (فڕین)ی دەست خست.
ناوبراو زیادی کرد: زبح لە بەرهەم هێنانی هونەری و ئەنجومەنی سینەمای لاوانی کوردستانە کە بە ئامادە بوون لە فێستیڤاڵگەلی جیاوازی ناوخۆیی و دەرەکی، خەڵاتی بەنرخی لە ناوخۆی ئێران بۆ پاریزگای کوردستان و لە بەشی نێودەوڵەتی بۆ ئێران دەست خستووە.
سەرۆکی حەوزەی هونەری کوردستان وتیشی: ئەو بەرهەمە بە ئەکتەریی درەوشانی فەرەیدوون حامدی لە چوارەمین فێستیڤاڵی نێودەوڵەتی کورتە فیلمی پەرواز توانی خەڵاتی باشترین کورتە فیلمی چیرۆکی، پەیکەرەی زێڕین و دیپلۆمی شانازی وەدەست بهێنێت و هەروەها خەڵاتی باشترین ئەکتەری پیاو، دیپلۆمی شانازی و پەیکەرەی زێڕین دەست بخات.
Your Comment