براوەکانی فستیڤاڵی شانۆی مانگ وتار له‌ کوردستان ناسێندران

یەکەمین خولی فستیڤاڵی شانۆی مانگ وتار بە پشتیوانی حەوزەی هونەری کوردستان و بە ئامادە بوونی ژمارەیەک لە شانۆکارانی کورد لە شاری بیجاڕ بەڕێوە چوو. 

بە ڕاپۆرتی ئاژانسی مێهر، مەراسمی کۆتایی یەکەمین خولی فستیڤاڵی شانۆی مانگ وتاری کوردستان بە پشتیوانی حەوزەی هونەری کوردستان و بە ئامادە بوونی ژمارەیەک لە شانۆکارانی کورد لە شاری بیجاڕ بەڕێوە چوو. 

لەم مەراسمە براوەکانی ئەم فستیڤاڵە لە لایەن لێژنەی داوەری فستیڤاڵەکە ناسێندران.

ئەمین مورادی، سەرۆکی حەوزەی هونەری کوردستان وتی: گەشە کردن لە هەموو بوارەکانی کۆمەڵگا پێویستی بە گەشەی فەرهەنگی هەیە و هەر بەم هۆیە پتەو کردنی فەرهەنگ ژێرخانی گەشەی سەقامگیر لە هەر کۆمەڵگایەکە. 

ئەو زیادی کرد: ئێمە بە ئەرکی خۆمانی دەزانین کە بەردەوام بین لە پشتیوانی کردنی هونەرمەندان و لەم ڕێگەدا ئەوەی لە دەستمان بێت ئەنجامی دەدەین.

لە کۆتایدا براوەی خەڵاتەکانی فستیڤاڵی شانۆی مانگ وتار کوردستان ناسێندران کە بریتی بوون لەم کەسانە:

لە بەشی دەرهێنەری یونس سەحراوی بووە یەکەم، زاهید سوبحانی بووە دووهەم و فەرشید گوێڵی بووە سێهەم.

لە بەشی ئەکتەری پیاو حەسەن تەرەقی بووە یەکەم، تەقی حەیدەری بووە دووهەم و ئەمین سەنجەربەیگی بووە سێهەم.

لە بەشی ئەکتەری ژن بەیان میرزایی بووە یەکەم، عاتفە ئازموودە بووە دووهەم و هەستی یارئەحمەدی بووە سێهەم.

باشترین خەڵاتی مۆسیقا و دیزاینی سێنی فستیڤاڵەکەش شانۆی مێرووەکان بە سەرپەرەستی هانا مەحموودی بەخشرا.

هەروەها دوو شانۆی جادەی بێدەنگی و ژێرزەمین وەک باشترین شانۆکانی ناسێندران و خەڵات کران.

شایانی باسە کە فستیڤاڵی شانۆی مانگ وتار کوردستان بۆ ماوەی ۳ ڕۆژ و بە بەشداری زیاتر لە ۱۰۰ هونەرمەندی کورد بەڕێوە چوو.

News Code 25343

نیشانەکان

بۆچوونی ئێوە

You are replying to: .
  • 4 + 7 =