دوایین زانیاری لەبارەی دەستگیرکردنی دوو گرووپی داعشی لە کوردستان

وەزارەتی ئیتلاعاتی ئێران ڕایگەیاند: دوو گرووپی تیرۆریستی دەستگیر کردووە کە دەیانەویست لە کوردستاندا کاری تێکدەرانە و بۆمب دانەریی بکەن.

بە راپۆرتی ئاژانسی هەواڵی مێهر، لە بەیاننامەی وەزارەتی ئیتلاعاتی ئێراندا هاتووە دوو شانەی نوستووی داعش لە کوردستان ناسێندراون و دەستگیر بوونە کە پلانیان بۆ بۆمب دانەری و کاری تێکدەرانە و تیرۆر داڕشتبوو.

 ئاماژەش دراوە کە ۱۳ تیرۆریست لەم هەڵمەتەی وەزارەتی ئیتلاعاتدا دەستبەسەر کراون کە هەموویان لە دووگرووپی سەر بە داعش کاریان کردووە.

ئامانجە داڕێژراوەکانی ئەم دوو گرووپە بۆمب دانەری و کوشت وبڕی خەڵک و تیرۆری هەندێ لە مامۆستایانی سوننەی کوردستان بووە کە هیزەکانی ئیدارەی ئیتلاعاتی کوردستان پیلانەکانی پووچەڵ کردووەتەوە.

لە بەیاننامەکەدا ڕاگەیێندراوە کە هەندێ لەم دەستگیر کراوانە لە دەرەوەی ئێران ڕاهاتوون و سەرکردەیەکی چەکداری داعش سەرۆکیان بووە و ڕێنوێنی کردووەن.

 رێژەیەکی زۆر چەک و تەقەمەنی جۆراوجۆر لەم تیرۆریستانە گیراوە.

News Code 25166

نیشانەکان

بۆچوونی ئێوە

You are replying to: .
  • 3 + 0 =