بانگهێشتی باڵوێزی نه‌مسا به‌ هۆی زیندانی کردنی مه‌رزیه‌ هاشـمی

وته‌بێژی وه‌زاره‌تی ده‌ره‌وه‌ی ئێران ڕایگه‌یاند: به‌ هۆی درێژه‌ پێدرانی زیندانی کردنی مه‌رزیه‌ هاشـمی له‌ خاکی ئه‌مریکا، ناڕه‌زایه‌تی خۆمان به‌ باڵوێزی نه‌مسا ڕاگه‌یاند.

به‌ ڕاپۆرتی ئاژانسی مێهر، به‌هرام قاسمی، وته‌بێژی وه‌زاره‌تی ده‌ره‌وه‌ی ئێران ڕایگه‌یاند: به‌ هۆی درێژه‌ کێشانی زیندانی کردنی مه‌رزیه‌ هاشـمی، هه‌واڵنێری پرێس تیڤی له‌ خاکی ئه‌مریکا، ناڕه‌زایه‌تی خۆمان به‌ باڵوێزی نه‌مسا ڕاگه‌یاند، ده‌ستگیر کردنی خاتوو هاشمی ته‌واو نایاساییه‌ و ده‌بێت هه‌رچی زووتره‌ ئازاد بکرێت.

قاسمی زیادی کرد: له‌م دیداره‌ ناڕه‌زایه‌تی خۆمان له‌ شیوازی نایاسایی ده‌ستگیر کردنی مه‌رزیه‌ هاشـمی له‌ ئه‌مریکا به‌ لایه‌نی نه‌مسایی ڕاگه‌یاند و ئاماژه‌مان کرد که‌ هه‌ڵسوکه‌تی پۆلیسی ئه‌مریکا له‌ دژی خاتوو هاشـمی پێشێل کردنی یاساکانی مافی مرۆڤه‌ و ده‌بێت ده‌ست به‌جێ و بێ هیچ مه‌رجێک ئه‌م هه‌واڵنێره‌ ئێرانی ئه‌مریکاییه‌ ئازاد بکرێت. ئه‌مریکا ده‌بێت سه‌باره‌ت به‌م ده‌ستگیر کردنه‌ نایاساییه‌ وڵام بداته‌وه‌ و به‌رپرسه‌ له‌ پێشێل کردنی یاسا نێونه‌ته‌وه‌ییه‌کان.

شایانی باسه‌ که‌ باڵوێزی نه‌مسا له‌م دیداره‌ ڕایگه‌یاند که‌ ده‌ست به‌جێ داواکاری به‌رپرسانی ئێرانی بۆ لایه‌نی ئه‌مریکایی ده‌گوازێته‌وه‌.

News Code 24538

نیشانەکان

بۆچوونی ئێوە

You are replying to: .
  • 1 + 7 =