ئه‌سه‌د: په‌یوه‌ندی دیمه‌شق و تاران له‌ سه‌ر بنه‌مای ڕێزگرتنه‌

سه‌رۆک کۆماری سووریا له‌ میانه‌ی دیدار له‌گه‌ڵ سه‌رۆکی کمیسیۆنی ئه‌منیه‌تی نیشتمانی و سیاسه‌تی ده‌ره‌وه‌ی مه‌جلیس جه‌ختی کرد که‌ په‌یوه‌ندی هه‌ر دوو وڵات له‌ سه‌ر بنه‌مای ڕێز گرتن له‌ یه‌کتره‌.

به‌ ڕاپۆرتی ئاژانسی مێهر له‌ سانا، به‌شار ئه‌سه‌د، سه‌رۆک کۆماری سووریا ڕۆژی دووشه‌مه‌ له‌ ده‌میشق پایته‌ختی ئه‌م وڵاته‌ له‌گه‌ڵ حشمه‌تۆڵا فه‌لاحه‌ت پیشه‌، سه‌رۆکی کمۆسیۆنی ئه‌منیه‌تی نیشتمانی و سیاسه‌تی ده‌ره‌وه‌ی مه‌جلیسی شۆرای ئیسلامی دیداری کرد.

به‌ پێی ئه‌م ڕاپۆرته‌، له‌م دیداره‌ په‌یوه‌ندی ستراتیژیکی نێوان ئێران و سووریا گفتوگۆی له‌ سه‌ر کرا.

هه‌ر دوولا له‌م دیداره‌ جه‌ختیان له‌ به‌رده‌وام بوونیان له‌ په‌یوه‌ندی نێوان هه‌ر دوو وڵات، به‌ تایبه‌ت له‌ بواری ئابووری و سیاسی کرده‌وه‌.

به‌شار ئه‌سه‌د له‌م دیداره‌ جه‌ختی کرد که‌ په‌یوه‌ندی نێوان تاران و ده‌میشق له‌ هه‌ر له‌ سه‌ره‌تاوه‌ له‌ سه‌ر بنه‌مای ڕێز گرتن له‌ یه‌کتر بووه‌ و هه‌ر دوو وڵات ڕێز له‌ ڕای خه‌ڵکی خۆیان ده‌گرن و دژی ده‌ستێوه‌ردانی بیانین.

ئه‌و زیادی کرد: ئه‌م بۆچوونه‌ ڕۆڵی زۆری له‌ سیاسه‌تی هه‌ر دوو وڵاتدا بووه‌ و ده‌بێت په‌یوه‌ندی نێوان سووریا و ئێران په‌ره‌ی زیاتری پێبدرێت.

لای خۆیه‌وه‌ سه‌رۆکی کمیسیۆنی ئه‌منیه‌تی نیشتمانی و سیاسه‌تی ده‌ره‌وه‌ی مه‌جلیسی شۆرای ئیسلامیش له‌م دیداره‌ ڕایگه‌یاند که‌ میراتی فه‌رهه‌نگی نێوان دوو وڵاتی ئێران و سووریا به‌ستێنه‌کان بۆ ڕووبه‌ڕوو بوونه‌وه‌ی سیاسه‌تی هه‌ڵه‌ و نایاسایی وڵاتانی دیکه‌ خۆش ده‌کات.

News Code 24335

نیشانەکان

بۆچوونی ئێوە

You are replying to: .
  • 1 + 2 =