کۆریدۆری دارایی ئێران – ئەورووپا بەمزووانە دەکرێتەوە

وەزیری دەرەوەی ئەڵمانیا لە لێدوانێکدا ڕوانییە پرسی کردنەوەی کۆریدۆری دارایی ئێران – ئەورووپا و ئەو کارەی بە سەرنجدانە دەرچوونی ئەمریکا لە ڕێککەوتنی ناڤۆکیی لە گەڵ ئێران دژوار وەسف کرد.

بە ڕاپۆرتی ئاژانسی هەواڵی مێهر، هایکۆ ماس وەزیری دەرەوەی ئەڵمانیا لە وتووێژ لە گەڵ گۆڤاری شپیگێل وێرای ئاماژە بە دژواریی کردنەوەی کۆریدۆری دارایی ئێران و ئەورووپا، ڕایگەیاند: کردنەوەی کۆریدۆری پارەگۆڕینەوە لە نێوان ئێران و ئەورووپا بە ئاوردانەوە لە دەرچوونی واشنتۆن لە ڕێککەوتنی ناڤۆکیی لە گەڵ ئێران ئاسان نییە و ئاستەنگ و دژواریی زۆری لە بەرە.

ڕاشیگەیاند: هیوادارم بەمزووانە و لە حەوتەکانی داهاتوودا کۆریدۆری دارایی نێوان ئێران و ئەورووپا بکرێتەوە و چالاکییەکانی دەست پێ بکات.

وەزیری دەرەوەی ئەڵمانیا دژایەتییەکانی ئەمریکا لە گەڵ ئەو هەنگاوەی بە سەخڵەتی و ئاستەنگەکانی جێبەجێ کرانی سیستەمی دارایی نێوان ئێران و ئەورووپا زانی و وتی:

ئێمە بە پەلە خەریکی هەوڵ دان بۆ دیاری کردنی پێداویستییە کۆتاییەکانی ئەو کۆریدۆرە و لەوان دیاری کردنی وڵاتی میوانداری بنکەی ئەو میکانیزمەین.

شایانی باسە کەناڵ و کۆریدۆری دارایی یەکێتی ئەورووپا بۆ مامەڵە لە گەڵ ئێران ناسراو بە SPV، سیستەمێکە بۆ ئاسانکاری لە بازرگانیی نێوان ئێران و یەکێتی ئەورووپا لە هەلومەرجی گەمارۆدرانی ئابووریی ئێران لە لایەن ئەمریکا.

ئەو کۆریدۆرە لە ساڵی ٢٠١٥ لە نێوان دەسەڵاتانی جیهانی و ئێران واژۆ کراوە.

News Code 24269

نیشانەکان

بۆچوونی ئێوە

You are replying to: .
  • 3 + 8 =