دەسپێکی چالاکی ئەنجومەنی توو فەرەنگی ئێران لە کوردستان

سەرۆکی ژووری بازرگانی، پیشە، کانگا و کشتوکاڵی سنە وتی: لە درێژەی ڕێکخستنی چالاکییە کشتوکاڵییەکانی پێوەندیدار بە کێڵانی زێڕی سووری کوردستان، ئەنجومەنی نەتەوەی تووە فەرەنگی ئێران تۆمار کراوە.

بە ڕاپۆرتی هەواڵنێری مێهر، سەید کەماڵ حسێنی نیوەڕۆی دوێنێ لە کۆنفڕانسی ڕۆژنامەڤانی کوردستان، ئاشکرای کرد: قۆناغەکانی تۆماری ئەنجومەنی تووە فەرەنگی (شێلک) ئێران لە پارێزگای کوردستان ئەنجام بووە و لە داهاتوویەکی نزیکدا ئەو ئەنجومەنە ئابوورییە لە ژێر چاوەدێری ژووری بازرگانی، پیشە، کانگا و کشتوکاڵ چالاکییەکانی خۆی دەست پێدەکات.

سەید کەماڵ حسێنی بە ئاماژە بە چالاکییە بەردەوامەکانی کۆمیسیۆنەکانی کشتوکاڵی، پیشە، خزمەتگوزاری سەرمایەدانەری، گەشەی بازرگانی، گەشتیاری، ئابووری هونەر، کانزا، پەروەردە و لێکۆڵینەوە، لە ژووری بازرگانی سنە وتی: ئەنجومەن و ڕێکخراوەکان لە ژێر کۆمەڵەی ئەو کۆمیسیۆنە ڕێکخراون و خەریکی چالاکین و لە داهاتوویەکی نزیکیشدا ئەنجومەنی نەتەوەیی تووە سوورەی ئێران لە سنە دەست بە کار دەکات.

سەرۆکی ژووری بازرگانی، پیشە و کانگا و کشتوکاڵی سنە بە جەخت لە سەر پێویست بوونی پەرەسەندی فەرهەنگی کەڵک وەرگرتن لە بەرهەمی ناوخۆیی پارێزگای کوردستان و ناساندنی برەندە خۆجەییەکان، داوای لە مێدیاکان کرد بۆ فەرهەنگ سازی و پەروەردەی خەڵک و بەرهەمهێنەرانی پارێزگا، یارمەتیدەری ژووری بازرگانی بن.

سەید کەماڵ حسێنی لە وەڵامی پرسیاری هەواڵنێری مێهر سەبارەت بە ئەو وڵاتانە کە بەرهەمی کوردستان هاوردە دەکەن، وتی: نزیک بە سەدا ٩٥ ی هەناردەی کوردستان کاڵای نا نەوتییە و زیاتر مادەی خۆراکییە کە بۆ وڵاتانی سی ئای ئێس هەناردە دەکرێت.

ناوبراو هەروەها وتی: پێش بینی دەکەین ساڵی ٩٧ هەناردەی پاریزگای کوردستان بۆ وڵاتانی مەبەست ٣٠ تا ٤٠ لە سەد لە چاو ساڵی ڕابردوو گەشەی هەبێت.

News Code 23060

نیشانەکان

بۆچوونی ئێوە

You are replying to: .
  • 7 + 0 =