ئه‌ردۆغان بۆ لێدانی کورد له‌ ڕووسیا و ئه‌ڵمانیا و فه‌ڕه‌نساوه‌ مۆڵه‌تی وه‌رگرتووه‌

به‌رپرسێکی باڵای کوردی سووریا ئاماژه‌ به‌ هێرشی تۆپخانه‌یی چه‌ند ڕۆژی ڕابردووی سوپای تورکیا بۆ سه‌ر ڕۆژهه‌ڵاتی فورات کرد و وتی: ئه‌ردۆغان بۆ هێرش كردنه‌ سه‌ر ڕۆژهه‌ڵاتی فورات، گڵۆپی سه‌وزی له‌ ڕووسیا، ئه‌ڵمانیا و فه‌ڕه‌نساوه‌ پێدراوه‌.

به‌ ڕاپۆرتی ئاژانسی مێهر له‌ هاوار نیوز، ئاڵدار خه‌لیل سه‌باره‌ت به‌ هێرشه‌كانی توركیا بۆ سه‌ر بنکه‌ و باره‌گای سوپای دیموکراتیکی سووریا له‌ ڕۆژهه‌ڵاتی فورات ڕایگه‌یاند: هێرشه‌کانی تورکیا دوای کۆبوونه‌وه‌ی ئه‌سته‌نبۆڵ ئه‌نجام درا. ئه‌م کۆبوونه‌وه‌ به‌ ئاماده‌ بوونی سه‌رکۆمارانی تورکیا- ڕووسیا- فه‌ڕه‌نسا و ئه‌ڵمانیا به‌ڕێوه‌ چوو. 

ئه‌و جه‌ختی کرد: له‌ ڕاستیدا ئه‌ردۆغان بۆ هێرش كردنه‌ سه‌ر ڕۆژهه‌ڵاتی فورات، گڵۆپی سه‌وزی له‌ ڕووسیا، ئه‌ڵمانیا و فه‌ڕه‌نسا وه‌رگرتووه‌. ئه‌گه‌ر گڵۆپی سه‌وز بۆ تورکیا هه‌ڵنه‌ده‌کرا ئه‌وکات هێرش‌کردنه‌ سه‌ر ڕۆژهه‌ڵاتی فورات ئه‌نجام نه‌ده‌درا.

ئاڵدار خه‌لیل ئاماژه‌ی دا: ئێمه‌ هه‌موو کارێک ده‌که‌ین بۆ ئه‌وه‌ی ئه‌مریكا ناچار بكه‌ین هه‌ڵوێستێكی كرداریی دژی ھێرشه‌كانی توركیا بۆ سه‌ر سووریای هه‌بێت. له‌ سووریا چیتر کاریگه‌ری ئۆپۆزیسیۆن نه‌ماوه‌. ده‌وڵه‌تی ناوه‌ندی هه‌یه‌، ئێمه‌ هه‌ین و گرووپه‌کانی ئاماده‌بووی ئیدلبش هه‌ن و ئه‌گه‌ر ئۆپه‌راسیۆنێک بۆ سه‌ر ئیدلب ئه‌نجام بدرێت ته‌نها ئێمه‌ ده‌مێنینه‌وه‌ و ده‌وڵه‌تی ناوه‌ندی.

News Code 22864

نیشانەکان

بۆچوونی ئێوە

You are replying to: .
  • 1 + 3 =