کامبۆزیا پەرتەوی سناریست و دەرهێنەری ناسراوەی سینەمای ئێران لە لێدوانێکدا بۆ هەواڵنێری ئاژانسی مێهر، سەبارەت بە سێهەمین خولی فێستیڤاڵی نێونەتەوەیی فیلمی سلێمانی وتی: بە ئاوردانەوە لە سێ خولی بەڕێوەچووی ئەم فێستیڤاڵە کە تێیدا بەشدار بووم و بە پێی خەڵات و شێوەکانی داوەری، ئەو هیوایەم لا ساز بوو کە لە داهاتوویەکی نزیکدا ببێتە فێستیڤاڵێکی گرینگ و ناسراوە لە ئاستی جیهان و زۆربەی سینەماگەرانی ناسراوە تێیدا بەشدار بن.
وتیشی: ئەگەرچی خولی دووهەمی فێستیڤاڵی نێونەتەوەیی فیلمی سلێمانی تووشی دوو نامەتی و بەدشانسیی مەرگی مام جەلال و ڕیفراندۆمی سەربەخۆیی هەرێمی کوردستان هات و بەو پێیە رێگەی گەشتی ئاسمانی لە ڕووی میوانانی دەرەکی داخرا و زۆربەی سینەماگەران نەیانتوانی بەشداری ئەو ڕووداوە گرینگە بن، بەڵام لە خولی سێهەمدا تا ڕادەیەکی زۆر ئەو کێشەیە قەرەبوو کرابووەوە و ئەمە جێی خۆشحاڵییە.
پەرتەوی ئاماژەی بەوەش دا: وەک دەبینین ستافی کاری و بەڕێوەبەری ئەم فێستیڤاڵە بە بێ ئەوەی لە فێستیڤاڵێکی گرینگ و ناسراوەی جیهانی یارمەتی وەرگرن، خۆیان تێڕادیوییەوە هەوڵ دەدەن و وەک بینیمان ئەوساڵ پڕۆگرامێکی باش و چاورچێوەدار و ڕێک و پێکیان بەڕێوە برد و ئەو هاوکارییە و بڕوا بەخۆیە، هیوای ئەوەی بە دواوەیە کە لە ساڵانی داهاتوودا شایەدی گەشە و بە پێزتر بوونی فێستیڤاڵەکە دەبین.
ئەو سینەماگەرە ئێرانییە لە کۆتاییشدا جەختی کرد: هیچکام لە داوەرانی بەشی ڕکابەریی سەرەکی فیلمگەلی سینەمایی "سینەمای جیهان"م لە نزیکەوە نەدەناسی، بەڵام گومان لەوەدا نییە کە خەڵاتەکان زۆر بەشی داربوون.
Your Comment